१ पेटो 4:19 - ॱलोवा

¹⁹ होझ्‍येरी, को़न्‍क्षोकगी थुकोङगी थोक्‍ने दुक्‍पु ङ्याङगीनक्‍या, ले शाङा झ्‍यीदी घाङला राङगी ॱरोक ॱलोते छोक्‍पा को़न्‍क्षोकला च्‍योघो़।

१ पेटो 4:19 Iomraidhean Croise

लुका 23:46

धेनी येशुगी सुङकेक क्षेला सुवालाक, “ङी याप, ङी सेम ङा खेराङगी क्षाकला पुयेहीन।” धेनी दे सुरी खोङबा ढोवालाक।

जेपा 7:59

खुङक्‍याई सेतेफेनला धोगोङ श्‍युरी घाङला, खी़ ॱमो़लाम ग्‍याप्‍पालाक, “चोवो येशु, ङी सेम्‍ङी ॱनुमा जेक।”

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

१ पेटो 2:15

घीझ्‍येरी ॱनाना को़न्‍क्षोकगी थुकोङ नी, खेक्‍याई शाङा झ्‍येरीराङ मी ॱलेन्‍पाक्‍याई तीमुकला खा काक्‍ये लाक।

१ पेटो 3:17

घीझ्‍येरी ॱनाना, को़न्‍क्षोकगी थुकोङ हो़ना, ङेन्‍पा झ्‍येरी ङ्याङयेनेः शाङा झ्‍येरी ङ्याङये दे घागुलाक।

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।