१ पेटो 4:14 - ॱलोवा

¹⁴ धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।

१ पेटो 4:14 Iomraidhean Croise

मेथा 5:11

“ङी दो़न्‍दु खेक्‍याला मीक्‍याई ॱमेबेप ताङये धाङ दुक्‍पु ताङये धाङ ख्‍यी़ कोरला शोक स्‍येदी छीक ङेन्‍पा ॱनाछोकक्‍या ॱनी घाङला, खेक्‍या घीन्‍गी झ्‍यीलाप क्षे।

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 8:48

याहुदापा पो़न्‍पोक्‍याई येशुला ॱनेवालाक, “ख्‍यो़ सामारीपा लाक धेनी ख्‍यी़ नाङदु डे जुदुक ॱनेरी, हीकी ॱनागीनगो धेन्‍पा माले?”

योहान्‍ना 9:28

धेनी फारुसीपाक्‍याई खोला थोङछुङ तारी ॱनेवालाक, “ख्‍यो़ खी़ ङेने लाक हीना हेक्‍या मोशेगी ङेने हीन।

योहान्‍ना 9:34

खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ कोरीन्‍थुपा 4:10

धेनी येशुगी छेसोक हीकी ली़ला ॱङो़न्‍दास्‍योक ॱनेरी, हेक्‍या च्‍योई खोङबागी छीवागो हेरी ली़ला खेरती ग्‍युक्‍यीहो़क।

२ कोरीन्‍थुपा 4:16

होझ्‍येरी हेक्‍या सेमस्‍युक छाक्‍ती मेधेहो़क। हीकी फीदी ली़ ङ्याम्‍दी डोनाः, हीकी सेम्‍ङी नी श्‍याक्‍मो डाई साबा झ्‍युरी डोवालाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 3:14

हीना ढाङतेनगी क्षीदु खेक्‍या दुक्‍पु ङ्याङघोना, खेक्‍या झ्‍यीलाप क्षे लाक। खुङक्‍याई जीक्‍टा कुगीनला माजीक, धेनी राङगी सेम ठुक्‍तु ॱमाच्‍युक।

१ पेटो 3:16

साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।

२ पेटो 2:2

मी माङागी खुङक्‍याई दो़क्षाकगी चो़लाम च्‍योक्‍रे झ्‍यीगीलाक धेनी खुङक्‍याई झ्‍येरी, धेन्‍पे लामला ॱमेटा फोक्‍कीलाक।