१ पेटो 4:11 - ॱलोवा

¹¹ दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।

१ पेटो 4:11 Iomraidhean Croise

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

योहान्‍ना 13:31

धा युदा फीला सोसारती, येशुगी सुवालाक, “धा मी-भु शीजेला ॱङो़न दुक धेनी को़न्‍क्षोक खी़ थोक्‍ने शीजेला ॱङो़न दुक।

जेपा 7:38

दे होदे मोशेराङ लाक। ईस्‍राएल्‍पाक्‍या रीतोङदु धेदी घाङला, सीना रीरु नाम्‍खे भाङछेनगी मोशे धाङ होरी धाङबी फामाक्‍यामुला कामो़न सुवालाक। धेनी को़न्‍क्षोकगी खोला होरी क्षीला, छे ॱनाङगीन का ॱनाङवालाक।

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 16:27

कुन खेन्‍गीन को़न्‍क्षोक च्‍यीक्‍पोला, येशु मास्‍यीकागी थोक्‍ने ग्‍युने ग्‍युन्‍दु शीजे हुङवास्‍योक। आमेन।

रोमापा 3:2

छोक घीरीने फेन्‍थोक क्षे हो़तालाक। धाङपोगोला को़न्‍क्षोकगी का याहुदापाक्‍याला च्‍योवालाक।

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

१ कोरीन्‍थुपा 12:4

धा ॱनाङज्‍यीनक्‍या ॱना माङा हो़तालाक हीना देक्‍या ॱनाङगीन, धाम्‍पे थुक्‍ङीगो च्‍यीकराङ हो़तालाक।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 9:13

खेक्‍याई श्‍यान्‍देप पुगीन श्‍याप्‍तोकगी थोक्‍ने, खुङक्‍याई को़न्‍क्षोकला तो़पा पुगीलाक घीझ्‍येरी ॱनाना खेक्‍याई खुङक्‍या धाङ श्‍येम्‍मा घीरीला श्‍यान्‍देप पुगीनगी गोने, खेक्‍याई मास्‍यीकागी ताम्‍शाङला खेलेन झ्‍यीगीनगो पाङपो झ्‍यीदालाक।

एफीसुपा 1:19

होराङ धेपा झ्‍यीगीनक्‍याई क्षीला, खोङबागी ची ॱमेथेप्‍कीन ॱहालेवे नी़थुगो, घी हीन्‍गीनगो स्‍येये क्षीदु लाक। दे ॱहालेवे नी़थुने राङ

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

एफीसुपा 6:10

थाःला, खेक्‍या चोवो धाङ खोङबागी नी़थुगी तोप नाङला स्‍युक्‍क्षे झ्‍युङ।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

कोलोसेपा 4:6

मी घीरीमुला लेन घारे तेरघोयेगो, खीकी स्‍येयेगी क्षीदु, खीकी ताम नी छागी डोवा तेरकीन च्‍योक्‍रे झ्‍यीलाप क्षे झ्‍युङघो़।

१ थेसालोनीकेपा 2:4

हीना ताम्‍शाङ दे हीकी खाला ॱलो कायेला, को़न्‍क्षोकगी हेक्‍याला थाक्‍चो़ जेदी, हेक्‍या मीगी घाटोगी क्षीला मेन्‍दा, होरी ॱङीङगी छो़ शीक्‍कीन को़न्‍क्षोकला थुक्‍ङेउ हुङयेला स्‍येदाहीन।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

तीतोस 2:1

हीना ख्‍यो़, तावा ढाङपोला घी थी़न्‍दी, होदेगो स्‍यो़क।

तीतोस 2:15

दे ॱलापच्‍याक्‍या ॱलोप। खेरी आङजा घीरीने ॱलापच्‍या स्‍युक्‍क्षे तेर धेनी आङजी तोङ। राङला सी़या ॱङाजीन झ्‍यीरु ॱमाच्‍युक।

ईब्‍रीपा 13:7

खेक्‍याला को़न्‍क्षोकगी का स्‍येगीन, खेरी गोठीक्‍याला ढेन्‍बा माझ्‍ये। खुङक्‍याई मीछेगी ढेबुला साम्‍लो तोङ धेनी खुङक्‍याई धेपागी पे लेन।

ईब्‍रीपा 5:12

घीझ्‍येरी ॱनाना धान्‍दा थुक्‍पे ता खेक्‍या ॱलोप्‍गीन झ्‍युङ घो़येहो़क हीना खेक्‍याला को़न्‍क्षोकगी कागी ॱमाङस्‍यीक्‍या धाब्‍ले ॱलाप्‍कीन च्‍यीक घोयेदुक। खेक्‍याला शामा दोक-दोक मेन्‍दा, होमा घोयेदुक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।

१ पेटो 5:11

धी़ तेन्‍दु वाङ खोङबागी हुङास्‍योक। आमेन।

युदा 1:25

खोङबा होरी क्‍याम्‍गो़न धाङ को़न्‍क्षोक च्‍यीक च्‍यीक्‍पोला, होरी चोवो येशु मास्‍यीकागी थोक्‍ने, शीजे धाङ ॱङेन्‍डाक धाङ नी़थु धाङ आङजा, कावा घीरीगी एम्‍माने धान्‍दा धाङ ग्‍युने ग्‍युन थुक्‍पे हुङास्‍योक। आमेन।