१ पेटो 4:1 - ॱलोवा

¹ होझ्‍येरी मास्‍यीकागीयाः कुली़ला दुक्‍पु ङ्याङगीन च्‍योक्‍रे, खेक्‍याः देरेराङ साम्‍लो खेरती राङला स्‍युक्‍क्षे शो़। घीझ्‍येरी ॱनाना ली़ला दुक्‍पु ङ्याङगीनगी धीक्‍पा पाङालाक।

१ पेटो 4:1 Iomraidhean Croise

मारकु 3:3

येशुगी होदे लाक्‍पा काम्‍गा मीला “लारी दुरु स्‍योक।” ॱनेरी सुवालाक।

रोमापा 6:11

देरेराङ झ्‍येरी खेक्‍याः धीक्‍पे वाङ होकदु ॱमेनेला स्‍यीछारसा, हीना मास्‍यीका येशु थोक्‍ने को़न्‍क्षोकगी शीजेगी क्षीदु सो़न्‍पो चीघो़।

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

रोमापा 6:7

घीझ्‍येरी ॱनाना स्‍यी छासागीनगोला, धीक्‍पागी वाङने थारपा थोप हो़तालाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 6:13

होझ्‍येरी माउपारगी धी़ ङेन्‍पाला ङोग्‍येल झ्‍यीथुप्‍ये धाङ घीरी डुप्‍ती तेन्‍पो ॱने थुक्‍येगी क्षीला, को़न्‍क्षोकगी गोठाप छाङबो घो़न।

फीलीप्‍पीपा 2:5

खेक्‍याई साम्‍लोगोवाः मास्‍यीका येशुगी नाङ हो़गीन च्‍योक्‍रे झ्‍युङघो़।

ईब्‍रीपा 12:3

खेक्‍या थाङ ॱमेछेये धाङ सेमस्‍युक ॱमेछाक्‍येगी क्षीला, धीक्‍चेनक्‍याने हुरे ङोलोकक्‍या शो़पा जेगीन, खोङबा येशुला साम्‍लो तोङ।

ईब्‍रीपा 4:10

घीझ्‍येरी ॱनाना को़न्‍क्षोकगी राङगी क्षाक्‍लेक्‍याने ङासु जेगीन च्‍योक्‍रे, को़न्‍क्षोकगी ङासु नाङला जुये हीन्‍गीन घीरीगीयाः, राङगी लेगाक्‍याने ङासुगीलाक।

१ पेटो 2:21

खेक्‍या दो़न दी क्षीलाराङ भो़वालाक घीझ्‍येरी ॱनाना मास्‍यीकागी स्‍याम्‍ला डाङयेगी क्षीला, मास्‍यीका खीकी दो़न्‍दु दुक्‍पु ङ्यारी, खोङगी खेक्‍याई क्षीला पे च्‍यीक श्‍या जेपालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।