१ पेटो 3:9 - ॱलोवा

⁹ ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।

१ पेटो 3:9 Iomraidhean Croise

मेथा 19:29

धेनी ङी मीङगी क्षीला राङगी खाङबाक्‍या धाङ पी़नक्‍या धाङ फामा धाङ टुवाक्‍या धाङ साश्‍यीङक्‍या भोर हो़ना, खोला दाप ग्‍या थोप्‍कीलाक धेनी थामेपे छेसोक थोप्‍कीलाक।

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मेथा 5:39

हीना ङा खेक्‍याला ॱनाहीन, मी ङेन्‍पाला दोङलेन माझ्‍यी। ख्‍यी़ डाबा ॱयेला डाम्‍चाक श्‍युरकीनगोला, डाबा श्‍येम्‍मागोवा तो़न।

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

मारकु 10:17

धेनी येशु लाम्‍गाला फेई घाङला, मी च्‍यीक भाङ तारी होरी येशुगी डुङदु पीमु साला चुक्‍ती, खोङबाला श्‍यी़वालाक, “ॱलोपो़न शाङपो ला, थामेपे छेसोक थोप्‍येला, ङी घी झ्‍यी घो़गीले?”

लुका 10:25

ङीमा च्‍यीक क्षो़ठीमगी ॱलोपो़न च्‍यीकगी, येशुला छो़ता झ्‍यीयेला लारी ॱनेवालाक, “ॱलोपो़न ला, थामेपे छेसोक थोप्‍येला ङी घी झ्‍यीघो़गुले?”

लुका 18:18

पो़न्‍पो च्‍यीकगी येशुला श्‍यी़वालाक, “घेगेन शाङपो ला, थामेगीन मीछे थोप्‍येला ङा घी झ्‍यीघो़गुले?”

रोमापा 12:14

खेक्‍याला दुक्‍पु ताङगीनक्‍याला झ्‍यीलाप तेर। झ्‍यीलाप तेर हीना ॱमेमो माग्‍याप।

रोमापा 12:17

मी सुलाः ङेन्‍पागी छापला ङेन्‍पा माझ्‍यी। मी घीरीगी ॱमीक्‍वादु याराप चीगीनगोला दो़नाङ झ्‍यी।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

ईब्‍रीपा 12:17

खेक्‍याला स्‍येये हो़तालाक, होदे स्‍याम्‍ने खी़ खोरी थोप्‍ताङगी झ्‍यीलापगो थोप्‍ये दो़पा झ्‍यीदाराङ, खोला ॱमाथोप्‍पालाक। धेनी खी़ क्षीमाक तारी श्‍योवा पुनाः, घी झ्‍युसागीनगोला खी़ घीयाः ग्‍युर ॱमाथुक्‍पालाक।

ईब्‍रीपा 6:14

“ङा ॱङोन्‍ने ख्‍यो़ला झ्‍यीलाप तेरयेहीन धेनी ख्‍यी़ भुग्‍युला फेरु च्‍युक्‍येहीन।”

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।