१ पेटो 3:8 - ॱलोवा

⁸ थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 3:8 Iomraidhean Croise

मेथा 18:33

ङी ख्‍यो़ला ॱङीङजे झ्‍यीगीन च्‍योक्‍रे, ख्‍यी़याः राङगी रोवाला ॱङीङजे झ्‍यीघोगुमाले?’

लुका 10:33

हीना सामारीपा डुवा च्‍यीक खो हो़जारु ॱलेप्‍पालाक। धेनी खी़ खोला थोरी ॱङीङ झ्‍येवालाक।

जेपा 2:1

याहुदापाक्‍याई ङीमा ॱङापच्‍युपा धी़छेन ॱलेप्‍कीन ङीमाला, चोवो येशुला धेपा-झ्‍यीगीन मीक्‍या घीरी साजा च्‍यीकला रुप्‍ती, धे हो़तालाक।

जेपा 27:3

ॱङेटोगो हेक्‍या सीदोन ग्‍याजाला ॱलेप्‍सुङ। होदे ग्‍याजारु ग्‍यापो़न युलीयुगी पाउलुला ॱङीङजे झ्‍येरी, खोला खोरी रोवाक्‍याला थुक्‍तु डोये धाङ घो़गीन चालाकक्‍या लेन्‍दु डोये घुकाप ॱनावालाक।

जेपा 28:7

होदे साजा डामदु होदे ॱलीङठेनगी पो़न्‍पो पुपलीहुगी सा हो़तालाक। खी़ हेक्‍याला ॱङीङजे झ्‍येरी खोरी नाङदु भो़री, श्‍याक्‍मो सुम थुक्‍पे डो़न कासोङ।

जेपा 4:32

धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

रोमापा 15:5

धेनी शो़पा धाङ सेमस्‍युक ॱनाङगीन, को़न्‍क्षोकगी खेक्‍याला मास्‍यीका येशुमुला च्‍यीक झ्‍युरी, फेन्‍छुनक्‍या घुङदु सेम्‍बा च्‍यीक्‍पा जेदी, छोवा केरु च्‍युक्‍वा जेदास्‍योक।

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

१ कोरीन्‍थुपा 12:26

येन्‍लाक च्‍यीक दुक्‍पु ङ्याङना, येन्‍लाक घीरीमुला दुक्‍पु ङ्याङालाक। याङना येन्‍लाक च्‍यीकगी घुस्‍याप झ्‍युङना, येन्‍लाक घीरीमुला घाटो झ्‍यीदालाक।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

फीलीप्‍पीपा 2:3

राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

फीलीप्‍पीपा 3:16

धेनी को़न्‍क्षोकगी होराङला सावो ॱङो़न जेजागोला च्‍यीगा तेन्‍ती, होराङ मीछे पी़घो़।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

याकोब 2:13

घीझ्‍येरी ॱनाना श्‍येम्‍माला ॱङीङजे मीझ्‍यीगीनला, ॱङीङजे मेगीन ठीम फोक्‍कीलाक। ठीम्‍चो़गी खाला ॱङीङजेगी ग्‍यालालाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:17

घीरीला घुस्‍याप झ्‍यी। धेनी मास्‍यीकावा पी़नक्‍याला चेवा झ्‍यी। धेनी को़न्‍क्षोकला जीक्‍नाङ झ्‍यी। धेनी ग्‍यावुक्‍याला कुरती झ्‍यी।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 3:14

होराङक्‍या छीवाने सो़न्‍पो ग्‍युरवालाक ॱनेरी, होराङ स्‍येलालाक घीझ्‍येरी ॱनाना होराङ होरी पी़नक्‍याला झाम्‍पा झ्‍यीदालाक। झाम्‍पा मीझ्‍यीगीन नी, छीवा नाङदु ॱनेलालाक।