१ पेटो 3:18 - ॱलोवा

¹⁸ घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ पेटो 3:18 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

मेथा 27:24

धा पीलातुगी खोरी घीया झ्‍यी ॱमीथुप्‍कीन, हीना ॱयोल्‍ले ॱङ्योक्‍टा लाङगु झ्‍यीगीनगो थोरी, खी़ मीमाङक्‍याई दोङदु क्षु खेरती लाक्‍पा ठी़वालाक धेनी ॱनेवालाक, “दे मी दी ठाकगी क्‍यो़न ङाला फोक्‍येमेक। दे खीकी गोवाला फोक्‍कीलाक।”

योहान्‍ना 16:10

धेनी ढाङतेनगी कोरला ॱनाना, खेक्‍याई ङाला याङ नामा ॱमेथोङगीन, यापगी डुङदु ङा डोयेहीन।

जेपा 22:14

धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

जेपा 3:14

खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

ईब्‍रीपा 9:26

देरे मेन्‍ना जीक्‍तेन को़ने ॱहाला, खोङबागी याङ-याङ दुक्‍पो ङ्याङ घोये हो़तालाक। हीना खोङबा राङगी ॱमारछो़गी थोक्‍ने, धीक्‍पा घीरी सेयेगी क्षीला, थेङ च्‍यीक्‍लाराङ घीरीगी क्षीदु दे धी़गी थाला ॱङो़न जेपालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

याकोब 5:6

खाप्‍टा झ्‍यी ॱमीथुप्‍कीन मी ढाङपो च्‍यीकला, खीकी क्‍यो़न चुक्‍ती सेपालाक।

१ पेटो 3:19

खोङबा थुक्‍ङी थोक्‍ने फेप्‍ती, चो़न्‍खाङला हो़गीन सेम्‍ङीक्‍याला क्षो़ सुङा जेपालाक।

१ पेटो 4:1

होझ्‍येरी मास्‍यीकागीयाः कुली़ला दुक्‍पु ङ्याङगीन च्‍योक्‍रे, खेक्‍याः देरेराङ साम्‍लो खेरती राङला स्‍युक्‍क्षे शो़। घीझ्‍येरी ॱनाना ली़ला दुक्‍पु ङ्याङगीनगी धीक्‍पा पाङालाक।

१ पेटो 4:6

होझ्‍येरी मीला च्‍योक्‍रे स्‍यीम्‍पोक्‍याला ली़ला ठीम्‍चो़ झ्‍येहो़नाः, सेम्‍ङीला खुङक्‍या को़न्‍क्षोक च्‍योक्‍रे सो़न्‍पो ॱनेयेगी क्षीदु, खुङक्‍यालाः ताम्‍शाङगो स्‍येपालाक।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।