१ पेटो 3:16 - ॱलोवा

¹⁶ साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।

१ पेटो 3:16 Iomraidhean Croise

मेथा 5:11

“ङी दो़न्‍दु खेक्‍याला मीक्‍याई ॱमेबेप ताङये धाङ दुक्‍पु ताङये धाङ ख्‍यी़ कोरला शोक स्‍येदी छीक ङेन्‍पा ॱनाछोकक्‍या ॱनी घाङला, खेक्‍या घीन्‍गी झ्‍यीलाप क्षे।

जेपा 24:16

होझ्‍येरी ङा को़न्‍क्षोक धाङ मीक्‍या दोङदु नोन्‍डु मीझ्‍यीदा, सेम शाङपो झ्‍येरी धेयेगी स्‍युक झ्‍यीदीहो़क।”

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

रोमापा 9:1

मास्‍यीकागी नाङ ङा धेन्‍पा ॱनीहो़क, ङा शोक ॱनामेन। ङी स्‍येशाङगी, धाम्‍पे थुक्‍ङीगी थोक्‍ने ङाला धेन्‍पाङ झ्‍यीदीक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

१ तीमोथेउ 1:19

रीङगागी राङगी स्‍येराप शाङपोला मेङेन्‍दा, राङगी धेपाराङ मेताला तावालाक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

२ तीमोथेउ 1:3

ङी ङीन-छेनगी ॱमो़लामला, ख्‍यो़ला च्‍योई ढेन्‍सो़ झ्‍यीदी घाङला, ङा को़न्‍क्षोकला थुक्‍जेक्षे श्‍यी़लीहो़क। ङी धाङबी फामा च्‍योक्‍रे, खोङबाला ङा स्‍येराप शाङपोगी थोक्‍ने श्‍याप्‍ची श्‍यी़लीहो़क।

तीतोस 2:8

धाङ क्‍यो़न चुक ॱमीथुक्‍कीन लाब धेन्‍पा तो़न। देरे झ्‍यीना ख्‍यी़ ग्‍याप लोक्‍कीनक्‍याला ङोजा झ्‍युङालाक घीझ्‍येरी ॱनाना खुङक्‍याला होरी कोरला ङेन्‍पा ॱनाये घीया मेयोङालाक।

ईब्‍रीपा 13:18

हीकी क्षीदु ॱमो़लाम ग्‍योप। धेनी हेक्‍याई स्‍येशाङ सावो धाङ दो़न घीरीला हीकी ढाङपो झ्‍यीयेगी दो़पा हो़गीनगो, हेक्‍याला तेन्‍देन स्‍येयेहो़क।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 2:15

घीझ्‍येरी ॱनाना को़न्‍क्षोकगी थुकोङ नी, खेक्‍याई शाङा झ्‍येरीराङ मी ॱलेन्‍पाक्‍याई तीमुकला खा काक्‍ये लाक।

१ पेटो 2:19

घीझ्‍येरी ॱनाना मी श्‍येम्‍मागी मेढाङा झ्‍येरी, खेक्‍याला दुक्‍पु ताङनाः खेक्‍याई को़न्‍क्षोकला साम्‍दी शो़पा झ्‍यीना, दे खोङबाला थुक्‍ङेउ झ्‍युङालाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ पेटो 4:4

धा धान्‍दा खेक्‍या खुङक्‍यामुला क्षोमेगीन च्‍यो़पा ङेन्‍पाला ॱमेथेगीन झ्‍येरी, खुङक्‍या ॱहालेरी खेक्‍याला ॱमेटा ताङालाक।