१ पेटो 3:14 - ॱलोवा

¹⁴ हीना ढाङतेनगी क्षीदु खेक्‍या दुक्‍पु ङ्याङघोना, खेक्‍या झ्‍यीलाप क्षे लाक। खुङक्‍याई जीक्‍टा कुगीनला माजीक, धेनी राङगी सेम ठुक्‍तु ॱमाच्‍युक।

१ पेटो 3:14 Iomraidhean Croise

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

मेथा 10:31

होझ्‍येरी माजीक, खेक्‍या खाङ झीउ माङाक्‍याने रीन्‍थाङ क्षे लाक।

मेथा 10:39

राङगी सोक क्‍योप्‍कीनगी़ होदे स्‍योरतु च्‍युक्‍कीलाक धेनी ङी दो़न्‍दु राङगी सोक स्‍योरती च्‍युक्‍कीनगी़, होदे क्‍योप्‍कीलाक।

मेथा 16:25

घीझ्‍येरी ॱनाना राङगी सोक क्‍योप्‍ङी दो़गीनगी़, होदे स्‍योरतु च्‍युक्‍कीलाक हीना राङगी सोक, ङी क्षीला स्‍योरतु च्‍युक्‍कीनगोला, होदे ॱङेगीलाक।

मेथा 19:29

धेनी ङी मीङगी क्षीला राङगी खाङबाक्‍या धाङ पी़नक्‍या धाङ फामा धाङ टुवाक्‍या धाङ साश्‍यीङक्‍या भोर हो़ना, खोला दाप ग्‍या थोप्‍कीलाक धेनी थामेपे छेसोक थोप्‍कीलाक।

मारकु 10:29

येशुगी सुवालाक, “ङा धेन्‍पाराङ खेक्‍याला ॱनाहीन, ङा धाङ ताम्‍शाङगी क्षीला, राङगी खाङबा धाङ पी़नक्‍या धाङ फामा धाङ टुवाक्‍या धाङ साश्‍यीङ भोरकीनगी़,

मारकु 8:35

घीझ्‍येरी ॱनाना राङगी ॱरोक क्‍योप्‍कीनगी, ॱरोक स्‍योरकीलाक हीना राङगी ॱरोक, ङा धाङ ताम्‍शाङगी क्षीला स्‍योरतु च्‍युक्‍कीनगी ॱरोक क्‍योप्‍कीलाक।

योहान्‍ना 14:1

येशुगी ङेनेक्‍याला सुवालाक, “खेक्‍या सेम फाम्‍बा माझ्‍यी। को़न्‍क्षोकला ॱलो को धेनी ङालाः ॱलो को।

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ पेटो 3:6

पेला ताना, सारागी राङगी ख्‍योवा आब्‍राहामला चीरी, खोङला राङगी दाक्‍पो ॱनेरी भो़वालाक। खेक्‍यागीयाः जीक्‍नाङ मीझ्‍यीदा, ले शाङाक्‍या झ्‍यीना, खेक्‍या मी़ भोमोक्‍या झ्‍युङालाक।