१ पेटो 3:13 - ॱलोवा

¹³ खेक्‍या शाङा झ्‍यीयेला सेमस्‍युक हो़ना, सी़ खेक्‍याला ॱनो़ क्‍यागीले?

१ पेटो 3:13 Iomraidhean Croise

रोमापा 13:3

घीझ्‍येरी ॱनाना श्‍युङगी पो़न्‍पोक्‍याई शाङपो झ्‍यीगीनक्‍याला मेन्‍दा, हीना ङेन्‍पा झ्‍यीगीनक्‍याला जीक्‍टा कुलालाक। धा ख्‍यो़ पो़न्‍पोक्‍याई जीक्‍टा होकला धेदो़ मेते? हुरे हीन्‍ना शाङा हीन्‍गीनगो झ्‍यी धेनी ख्‍यो़ला खुङक्‍याने तो़टा थोप्‍कीलाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

१ कोरीन्‍थुपा 14:1

खेक्‍याई ॱमीक्‍युगो झाम्‍पा हुङघो़ धेनी धाम्‍पे थुक्‍ङीगी ॱनाङज्‍यीनक्‍याई दो़पा क्षे श्‍योक, ॱमीक्‍सेदु ॱङो़न स्‍येयेगी ॱनाङज्‍यीनला दो़पा झ्‍यी।

एफीसुपा 5:1

होझ्‍येरी, खेक्‍या चेवे से धाङ सेमोक्‍या झ्‍येरी, को़न्‍क्षोकगी च्‍योक्‍रे झ्‍यीये थापस्‍यी झ्‍यी।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।