१ पेटो 3:11 - ॱलोवा

¹¹ ङेन्‍पा पाङदी शाङा झ्‍यीघो़, धेनी श्‍यीदे चारी होदे स्‍याम्‍ला डाघो़,

१ पेटो 3:11 Iomraidhean Croise

मेथा 5:45

देरे झ्‍यीना खेक्‍या नाम्‍खे श्‍यीङखामदु श्‍युक्‍कीन, खेरी यापगी से धाङ सेमो झ्‍युङगीलाक। घीझ्‍येरी ॱनाना खोङबागी मी ङेन्‍पा धाङ शाङपो ॱङीगाराला, राङगी ङीमा स्‍यारतु च्‍युक्‍वालाक धेनी ढाङपो धाङ मेढाङा ॱङीगारागी खाला क्षावा पावा जेदालाक।

मेथा 5:9

थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

मारकु 14:7

घीझ्‍येरी ॱनाना उटे मीक्‍या खेक्‍यामुला च्‍योई हुङगीलाक धेनी नाम खेक्‍या थेदी, होदे घाङला खुङक्‍या क्षीला घा झ्‍यीना ढीक्‍कुलाक। हीना ङा खेक्‍यामुला च्‍योई हुङगुमालाक।

लुका 1:79

धेनी मी़नाक्‍पा धाङ स्‍यीवे ढीम्‍जाकला धेगीनक्‍याला थारवे हो़क थोप्‍कीलाक, धेनी होराङला श्‍यीदेगी लामला ठीक्‍कीलाक।”

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

लुका 6:9

धेनी येशुगी होदेक्‍याला सुवालाक, “ङा खेक्‍याला ढीलाहीन, ङासुगीन ङीमाला शाङा झ्‍यीये याङना ङेन्‍पा झ्‍यीये धेनी सोक क्‍योप्‍ये याङना सोक चेयेने, क्षो़ठीमला घीन्‍गो थी़न्‍दाले?”

योहान्‍ना 17:15

खेराङगी खुङक्‍याला दे जीक्‍तेनने खेरास्‍योक ॱनेरी, ङा सोवा ग्‍यावामेन हीना ङेन्‍पागोने क्‍योप्‍पा जे ॱनेरी ङा श्‍यी़वाहीन।

रोमापा 12:18

झ्‍युङ थुक्‍ये हो़ना, घी थुप-थुप राङला रा ली़गीन थुक्‍पे, घीरीमुला श्‍यीदेला धो़क।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 7:19

ङी दो़गीन शाङागो, ङी मीझ्‍यीदालाक हीना ङी मेदो़गीन ङेन्‍पागो ङी झ्‍यीच्‍यीक झ्‍यीदालाक।

रोमापा 7:21

धा ङा शाङागो झ्‍यीङी दो़नाः, ङेन्‍पागो ङी नाङदुराङ ॱनेदुक। होझ्‍येरी मीछेगी डोताङगो ङी थोङी।

रोमापा 8:6

धा धीक्‍पे राङश्‍यीगी ख्‍यो़री साम्‍लो वाङ झ्‍यीदु च्‍युक्‍ना, छीवादु ठीयालाक हीना धाम्‍पे थुक्‍ङीगी ख्‍यो़री साम्‍लो वाङ झ्‍यीदु च्‍युक्‍ना, छेसोक धाङ श्‍यीदेला ठीयालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

याकोब 4:17

होझ्‍येरी शाङा झ्‍यीदा स्‍येरीयाः मीझ्‍यीना धीक्‍पा लाक।

१ पेटो 3:12

घीझ्‍येरी ॱनाना चोवोगी चेन ढाङतेनक्‍याई खाला हुङालाक, धेनी खोङबागी आमच्‍योकगी खुङक्‍याई ॱमो़लामला सेन्‍दालाक, हीना खोङबागी श्‍याल ङेन्‍पा झ्‍यीगीनक्‍याने ॱलोक्‍वालाक।”

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।