१ पेटो 2:9 - ॱलोवा

⁹ हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ पेटो 2:9 Iomraidhean Croise

मेथा 4:16

मी़नाक्‍पाला धेता मीक्‍याई हो़ क्षे च्‍यीक थोदुक, धेनी छीवे ढीम्‍जाकगी युला धेगीन मीक्‍याला, हो़ च्‍यीक स्‍यारदुक।”

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

लुका 1:79

धेनी मी़नाक्‍पा धाङ स्‍यीवे ढीम्‍जाकला धेगीनक्‍याला थारवे हो़क थोप्‍कीलाक, धेनी होराङला श्‍यीदेगी लामला ठीक्‍कीलाक।”

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 26:28

धेनी आगारीपागी ॱनेवालाक, “देरे धी़चो़ तीमेला ख्‍यो़ ङाला मास्‍यीकावा शोये साम्‍यी हो़ते?”

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

१ कोरीन्‍थुपा 3:17

को़न्‍क्षोकगी क्षो़खाङ तीप्‍कीनला को़न्‍क्षोकगीराङ मेताला ताङा जेगीलाक। घीझ्‍येरी ॱनाना को़न्‍क्षोकगी क्षो़खाङ धाम्‍पा हुङालाक धेनी खेक्‍याराङ होदे क्षो़खाङ लाक।

एफीसुपा 1:14

धेनी को़न्‍क्षोकगी राङगी मीक्‍याला थारपा ॱमानाङगीन थुक्‍पे, धाम्‍पे थुक्‍ङी नी होराङला थोप घोये हीन्‍गीन ग्‍युज्‍यीनगी गेलेनगो लाक। दे नी, को़न्‍क्षोकगी शीजेगी तो़पा हुङयेगी क्षीदु लाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 3:21

क्षो़छोक धाङ मास्‍यीका येशुगी थोक्‍ने, मीरापने मीराप थुक्‍पे ग्‍युने ग्‍युन्‍दु तो़पा हुङास्‍योक। आमेन।

फीलीप्‍पीपा 3:14

मास्‍यीका येशुगी नाङ को़न्‍क्षोकगी नाम्‍खे श्‍यीङखामने, भो़पा ज्‍यागा थोप्‍येगी क्षीला, ङा ॱमीक्‍यु देला स्‍युक ग्‍याप्‍ती डी़हो़क।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।

ॱङो़न्‍पा 1:6

धेनी होराङला खोङगी याप को़न्‍क्षोकला श्‍याप्‍ची श्‍युयेला, ग्‍यासी धाङ क्षो़पो़न जेगीन, खोङबाला शीजे धाङ वाङ ग्‍युने ग्‍युन्‍दु हुङवास्‍योक। आमेन।

ॱङो़न्‍पा 20:6

ॱलार सो़न्‍पो धाङपो झ्‍युङगीनक्‍या झ्‍यीलाप क्षे धाङ धाम्‍पा लाक। खुङक्‍याला छीवा ॱङीवागी वाङ झ्‍यी ॱमीथुक्‍कीलाक हीना खुङक्‍या को़न्‍क्षोक धाङ मास्‍यीकागी क्षो़पो़न झ्‍युरी, मास्‍यीकामुला लो च्‍यीकतोङ थुक्‍पे वाङग्‍युर झ्‍यीगीलाक।

ॱङो़न्‍पा 5:10

धेनी खुङक्‍याला होरी को़न्‍क्षोकगी क्षीदु ग्‍याखाप धाङ क्षो़पो़नक्‍या को़ जेपालाक। धेनी खुङक्‍याई जीक्‍तेनदु वाङ झ्‍यीगीलाक।”