१ पेटो 2:25 - ॱलोवा

²⁵ घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।

१ पेटो 2:25 Iomraidhean Croise

मेथा 18:12

“मी च्‍यीकला लुक ग्‍या हो़ना, धेनी होदेक्‍याने च्‍यीक तोरना, खी़ होदे लुक घुपच्‍यु-घोरगुला रीला भोरती, होदे तोरतोवा च्‍यीकगोला चारु डुगी माले? खेक्‍या घी सामी हेतो?

मेथा 9:36

मीछोकक्‍याला शीक्‍ती, खोङबा ॱङीङजेगी खावालाक घीझ्‍येरी ॱनाना खुङक्‍या झीउ मेगीन लुकक्‍या च्‍योक्‍रे, श्‍येम्‍माने दुक्‍पु फोक्‍पा धाङ रोवा मेगीन शीक्‍पालाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 5:2

धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।