१ पेटो 2:23 - ॱलोवा

²³ खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।

१ पेटो 2:23 Iomraidhean Croise

लुका 23:41

होराङ ॱङीउला होरी लेगागी क्षेपा फोक घोगीनगो फोक्‍पालाक हीना दे मीगी लेगा ङेन्‍पा घीया माझ्‍ये हो़तालाक।”

लुका 23:46

धेनी येशुगी सुङकेक क्षेला सुवालाक, “ङी याप, ङी सेम ङा खेराङगी क्षाकला पुयेहीन।” धेनी दे सुरी खोङबा ढोवालाक।

लुका 23:9

होझ्‍येरी खी़ येशुला ढीवा माङा कुवालाक हीना खोङबागी लेन च्‍यीया ॱमानावालाक।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 4:29

धा चोवो, खुङक्‍याई जीक्‍टा कुगीनगोला शीया जे। खेराङगी ॱयोक्‍पोक्‍याला खेराङगी का मीज्‍यीया स्‍येयेला स्‍युक ॱनाङरोनाङ।

जेपा 7:59

खुङक्‍याई सेतेफेनला धोगोङ श्‍युरी घाङला, खी़ ॱमो़लाम ग्‍याप्‍पालाक, “चोवो येशु, ङी सेम्‍ङी ॱनुमा जेक।”

जेपा 9:1

साउल धोराङा चोवोगी ङेनेक्‍याला, सेयेला जीक्‍टा कुली हो़तालाक। धेनी खो चो क्षो़पो़नचारु सोरी, चोवोगी लामला डोगीन ङेने फो-मो घीरीला शीम्‍दी, येरुसालेमला ठीक्‍ती हुङयेला दामासेकोगी छोक्‍खाङक्‍याई पो़न्‍पोक्‍याला छोक्‍चेनगी यीक्‍चा श्‍यी़वालाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

एफीसुपा 6:9

दाक्‍पोक्‍याओ, राङगी ढेन्‍योकक्‍याला देरेराङ चो़पा झ्‍यी धेनी नाम्‍खे श्‍यीङखामदु खे ॱङीगाराला ॱयेवा मेजेगीन खे ॱङीगारागी दाक्‍पो श्‍युक हो़तालाक ॱनेरी स्‍येरी, राङगी ढेन्‍योकक्‍याला जीक्‍नाङ ॱमाकु।

२ थेसालोनीकेपा 1:5

धेनी को़न्‍क्षोकगी ग्‍यासी नाङदु, खेक्‍या डो थुप्‍ये मी झ्‍युङयेगी दो़नला, खेक्‍याई दुक्‍पु ङ्याङगीनगो को़न्‍क्षोकगी ठीम्‍चो़ ढाङपोगी पाङपो लाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 12:3

खेक्‍या थाङ ॱमेछेये धाङ सेमस्‍युक ॱमेछाक्‍येगी क्षीला, धीक्‍चेनक्‍याने हुरे ङोलोकक्‍या शो़पा जेगीन, खोङबा येशुला साम्‍लो तोङ।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।

१ पेटो 4:19

होझ्‍येरी, को़न्‍क्षोकगी थुकोङगी थोक्‍ने दुक्‍पु ङ्याङगीनक्‍या, ले शाङा झ्‍यीदी घाङला राङगी ॱरोक ॱलोते छोक्‍पा को़न्‍क्षोकला च्‍योघो़।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।