१ पेटो 2:2 - ॱलोवा

² धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

१ पेटो 2:2 Iomraidhean Croise

मेथा 18:3

धेनी सुवालाक, “ङा खेक्‍याला धेन्‍पाराङ ॱनाहीन, खेक्‍या सेम ग्‍युरती, दे टु दे च्‍योक्‍रे मीझ्‍युङना, खेक्‍या नामा नाम्‍खे ग्‍यासी नाङदु जु ॱमीथुक्‍कीलाक।

मेथा 19:14

हीना येशुगी सुवालाक, “टुवा च्‍युङाक्‍याला ङीचारु हुङदु च्‍युक। खुङक्‍याला ॱमाकाक घीझ्‍येरी ॱनाना नाम्‍खे ग्‍यासी, खुङक्‍या च्‍योक्‍रे हीन्‍गीनक्‍याई क्षीला लाक।”

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

लुका 18:17

ङा खेक्‍याला ॱङोन्‍ने ॱनाहीन, को़न्‍क्षोकगी ग्‍यासीला टुवा च्‍यीकगी च्‍योक्‍रे झ्‍येरी, खेमेलेन्‍गीन सुवाः होदे नाङदु नामाः मीजुगीलाक।”

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

एफीसुपा 2:21

मास्‍यीकाला तेन्‍ती, होदे खाङबागो घीरी च्‍यीकदु थी़न्‍दी, चोवोगी नाङ क्षो़खाङ धाम्‍पा च्‍यीकला ग्‍युरालाक।

एफीसुपा 4:15

हीना झाम्‍पागी गोने लाब धेन्‍पा स्‍येदी, होरी उ हीन्‍गीन मास्‍यीकागी नाङला छोक घीरीने, होराङ छारती डोघो़।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।