१ पेटो 2:19 - ॱलोवा

¹⁹ घीझ्‍येरी ॱनाना मी श्‍येम्‍मागी मेढाङा झ्‍येरी, खेक्‍याला दुक्‍पु ताङनाः खेक्‍याई को़न्‍क्षोकला साम्‍दी शो़पा झ्‍यीना, दे खोङबाला थुक्‍ङेउ झ्‍युङालाक।

१ पेटो 2:19 Iomraidhean Croise

लुका 6:32

“ख्‍यो़ला चेवा झ्‍यीगीनक्‍याला च्‍यीगा चेवा झ्‍यीना, ख्‍यो़ला घी फेन हो़ताले? घीझ्‍येरी ॱनाना धीक्‍चेनक्‍याः खोराङला चेवा झ्‍यीगीनला चेवा झ्‍यीदालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

रोमापा 13:5

होझ्‍येरी को़न्‍क्षोकगी ङेपाने थारये च्‍यीगा मेन्‍दा, हीना स्‍येशाङगी क्षीदुवाः ख्‍यो़ खुङक्‍याई होकदु धेघो़।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 8:1

पी़नक्‍याओ, को़न्‍क्षोकगी माकेडोनीयागी क्षो़छोकक्‍याला ॱनाङना थुक्‍जेगी कोरला, खेक्‍याई ॱहाघोकीनगो हेक्‍या दो़दीहो़क।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

ईब्‍रीपा 10:2

देरे मेन्‍ना क्षो़पा पुरु हुङगीनक्‍याई ॱमारछो़ पुयेला छाम श्‍याक्‍की माले? घीझ्‍येरी ॱनाना क्षो़पा पुरु हुङगीनक्‍या थेङ च्‍यीक्‍लाराङ चाङमा झ्‍युङये हीन्‍ना, खुङक्‍याला राङगी धीक्‍पाक्‍याई ग्‍यो़पा झ्‍युङये मेतालाक।

१ पेटो 2:20

घीझ्‍येरी ॱनाना खेक्‍याई ले ङेन्‍पा झ्‍येरी, दुङदाक शाराङ शो़पा झ्‍यीना, देला घी फेन्‍दा हो़तालाक से? हीना ले शाङा झ्‍येरीयाः दुक्‍पु राक्‍वाराङ शो़पा झ्‍यीना, दे को़न्‍क्षोकला थुक्‍ङेउ झ्‍युङालाक।

१ पेटो 4:15

हीना खेक्‍याने सुवाः ॱरोक चेगीन याङना कुमा कुगीन याङना ङेन्‍पा झ्‍यीगीन याङना थेप्‍तोक झ्‍यीगीनला च्‍योक्‍रे दुक्‍पु माङ्याङा स्‍योक।