१ पेटो 2:17 - ॱलोवा

¹⁷ घीरीला घुस्‍याप झ्‍यी। धेनी मास्‍यीकावा पी़नक्‍याला चेवा झ्‍यी। धेनी को़न्‍क्षोकला जीक्‍नाङ झ्‍यी। धेनी ग्‍यावुक्‍याला कुरती झ्‍यी।

१ पेटो 2:17 Iomraidhean Croise

मेथा 22:21

खुङक्‍याई ॱनेवालाक, “केसारगी दुक।” धेनी खोङबागी खुङक्‍याला सुवालाक, “देरे हीन्‍ना केसारगी हीन्‍गीनगो केसारला तेर धेनी को़न्‍क्षोकगी हीन्‍गीनगो को़न्‍क्षोकला पु।”

योहान्‍ना 13:35

खेक्‍याई च्‍यीकगी च्‍यीकला झाम्‍पा झ्‍यीना, देनेराङ खेक्‍या ङी ङेने हीन्‍गीनगो मी घीरीगी ॱहाघोरकीलाक।”

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

रोमापा 13:7

धेनी ज्‍याङ घोये हो़लेगोला ज्‍योङ। धा ठा ज्‍याङ घोये हो़ना ठा ज्‍योङ धेनी छोङठा ज्‍याङ घोये हो़ना छोङठा ज्‍योङ धेनी घुस्‍याप झ्‍यी घो़गीनला घुस्‍याप झ्‍यी धेनी ची घो़गीनला ची।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

एफीसुपा 5:21

धेनी मास्‍यीकाला ॱङीङकुर फी़येला फेन्‍छुन खाला ङेन।

फीलीप्‍पीपा 2:3

राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

१ तीमोथेउ 6:1

को़न्‍क्षोकगी छेन धाङ होरी ॱलापच्‍याला कुरवा मीझ्‍युङयेगी क्षीला, ढेन्‍योकगी ॱङ्यास्‍यीङ होकदु हो़गीन हो़लेगी, राङगी दाक्‍पोला ॱमीच्‍यीकी कुरती झ्‍येरी चीघो़।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:13

चोवोगी क्षीदु खेक्‍या मी घीरीगी वाङ झ्‍यीगीन आङजा थोस्‍योकगी ग्‍यावुक्‍या,

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”