१ पेटो 2:16 - ॱलोवा

¹⁶ खेक्‍या राङवाङगी मी च्‍योक्‍रे मीछे क्‍यो हीना राङगी राङवाङगो ङेन्‍पे लेगा काप्‍येला भेचो़ माझ्‍यी। खेक्‍या को़न्‍क्षोकगी श्‍याप्‍चीपा च्‍योक्‍रे मीछे क्‍यो।

१ पेटो 2:16 Iomraidhean Croise

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

योहान्‍ना 15:22

“ङा होरी खुङक्‍याला ॱमास्‍ये हो़ना, खुङक्‍याला धीक्‍पागी क्‍यो़न मेक हीना धा खुङक्‍याला खोरी धीक्‍पा माझ्‍येहो़क, ॱनायेगी ग्‍युम्‍जे मेक।

रोमापा 6:18

धेनी खेक्‍याला को़न्‍क्षोकगी धीक्‍पाने थारपा जेदी, धा खेक्‍या ढाङतेनगी ढेन्‍योक झ्‍युदुक।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

एफीसुपा 6:6

मीक्‍याला ङ्यामो घारु च्‍युक्‍येला ॱमीकगी थोङसारु च्‍यीगा लेगा माझ्‍यी हीना मास्‍यीकागी श्‍याप्‍चीक्‍या च्‍योक्‍रे, सेम तीङने को़न्‍क्षोकगी थुकोङ डुप्‍तु च्‍युक।

कोलोसेपा 3:24

घीझ्‍येरी ॱनाना चोवोने खेक्‍याला ग्‍युज्‍यीन झ्‍युङयेगो ज्‍यागाला थोप्‍कीलाक ॱनेरी, खेक्‍या स्‍येलालाक। धेनी खेक्‍याई चोवो मास्‍यीकाला श्‍याप्‍ची श्‍युलालाक।

१ थेसालोनीकेपा 2:5

हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।

याकोब 1:25

हीना राङवाङ ॱनाङगीन याङदाक्‍पे ठीमला श्‍यीप्‍ता, झ्‍यीगीन धाङ तेन्‍पो ॱनेगीन धेनी काला ङेन्‍दी, ज्‍येदी डुगीन मेन्‍दा हीना लाक्‍लेन तारी झ्‍यीगीन मीगोला, खी़ झ्‍यीगीन लेगाला झ्‍यीलाप थोप्‍कीलाक।

याकोब 2:12

होझ्‍येरी राङवाङ ॱनाङगीन क्षो़ठीमगी थोक्‍ने, ठीम्‍चो़ थोप्‍कीनक्‍याई च्‍योक्‍रे, खीकी ताम धाङ चो़पा हुङास्‍योक।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।