१ पेटो 2:11 - ॱलोवा

¹¹ चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

१ पेटो 2:11 Iomraidhean Croise

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

जेपा 15:20

दे लाबक्‍याई कोरला देरे यीगी च्‍यीक ढीउ, ‘ल्‍हाकुन्‍डाला पुपा ॱमेचाङा झ्‍युजा शामा माशा धेनी लोक्‍येमने जेम्‍दी धो़क धेनी मीक्‍पा चीरती सेसा, धी़डोगी स्‍या माशा धेनी घीन्‍गीयाः ठाक ॱमाथुङ।’

जेपा 15:29

ल्‍हाकुन्‍डाला क्षो़पा पुपा शामा माशा धेनी घीन्‍गीयाः ठाक ॱमाथुङ धेनी मीक्‍पा चीरती सेसा, धी़डोगी स्‍या माशा धेनी लोक्‍येमने जेम्‍दी धो़क। दे लाबक्‍या चीना खेराङक्‍याला घा झ्‍युङगीलाक। खेराङक्‍या घीरीला घा हुङवास्‍योक।”

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 2:19

होझ्‍येरी धा देने ॱहाला, खेक्‍या यु श्‍येम्‍मागी मी याङना ङो ॱमेस्‍येगीन मी मालाक हीना धाम्‍पे मीक्‍यामुला यु च्‍यीक्‍पा धाङ को़न्‍क्षोकगी नाङमीक्‍या लाक।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 6:9

चेवेक्‍याओ, हेक्‍याई देरे लाब ताङनाः, खेक्‍याला थारपाला थी़न्‍गीन दो़न शाङाक्‍या थोप हो़तालाक ॱनेरी, हेक्‍याला यीच्‍चे तेन्‍पो हो़क।

याकोब 4:1

खीकी घुङदु च्‍यो़पा धाङ ठुक्‍पाक्‍या घाङगी झ्‍येरी झ्‍युङाले? देक्‍या खीकी खोक्‍पी नाङदु थाप्‍ती धेगीन दो़क्षाकक्‍याने झ्‍युवामालाक से?

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

१ पेटो 4:12

चेवेक्‍याओ, खेक्‍याला छो़ता झ्‍यीयेला मे च्‍योक्‍रे, दुक्‍पु खीकी खाला भाप्‍ना, खेक्‍याला खेन्‍छा च्‍यीक झ्‍युङगीन च्‍योक्‍रे ॱहाङ ॱमासाङ।

१ पेटो 4:2

होझ्‍येरी ली़ नाङदु धेये हीन्‍गीन थुक्‍पे, खेक्‍या मीगी दो़पा मेन्‍दा, को़न्‍क्षोकगी थुकोङला मीछे क्‍यो।

२ पेटो 3:1

चेवेक्‍याओ, दे नी ङी खेक्‍याला ढीक्‍टा यीक ॱङीवागो लाक। धेनी दे यीक ॱङीगारा, ङी खेक्‍याला सेम ढाङपो केरु च्‍युक्‍येला, ढेन्‍सो़ ॱलाङयेगी क्षीदु ढीक्‍पालाक।