१ पेटो 2:1 - ॱलोवा

¹ होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

१ पेटो 2:1 Iomraidhean Croise

मेथा 15:7

खे शोक्‍पोक्‍या! खीकी क्षीला यस्‍यायागी ॱङो़नस्‍ये दे तायी सुदुक,

मेथा 23:28

देरेराङ खेक्‍या फीने मी श्‍येम्‍माक्‍याई दोङदु ढाङा थोङालाक हीना खेक्‍याई नाङगो शोक धाङ धीक्‍पागी खारी धे हेतालाक।

मेथा 24:51

धेनी खी़ खोला दुबु-दुबुला चेदी शोक्‍पोक्‍याई, मुला मीक्‍या ङुगीन धाङ सो ढीक्‍कीन साजारु ॱयुक्‍कीलाक।”

मेथा 7:5

ख्‍यो़ शोक्‍पो, एन्‍ला राङगी ॱमीकने दुङमा तो़न धेनी ख्‍यो़री पी़नगी ॱमीकने स्‍यीङडुक तो़न्‍येला सावो थोङगीलाक।

मारकु 12:15

हीना येशुगी खुङक्‍याई शोक झ्‍यीगीनगो ॱहाघोरती, खुङक्‍याला सुवालाक, “खेक्‍या घीझ्‍येरी ङाला छो़ लेन्‍दा? ङाला टाङगा च्‍यीक खेरती स्‍योक धेनी ङी ताउ।”

लुका 11:44

“खेक्‍या ॱङ्याली! घीझ्‍येरी ॱनाना खेक्‍या ताक मेगीन रोखाङ च्‍योक्‍रे दुक धेनी मीक्‍याला स्‍येये मेता होदे खाने घोबा ग्‍यालाक।”

लुका 12:1

होदे घाङला मी तोङडाक माङा येशुचारु जोम्‍दी, च्‍यीकगी च्‍यीकला छाङगा ग्‍याप्‍ती, काङबी ॱलेये झ्‍येवालाक धेनी येशुगी एन्‍ला खोरी ङेनेक्‍याला सुवालाक, “फारुसीपाक्‍या खाने लाब च्‍यीक हीना लेगा श्‍येम्‍मा झ्‍यीगीन झ्‍येरी, देरे क्‍युरचीने शाप-शाप झ्‍येरी धो़क।

लुका 6:42

खेरी ॱमीकगी दुङमा ॱमेथोङगीन, ख्‍यी़ राङगी पी़नला ‘ख्‍यी़ ॱमीकने स्‍यीङडुकगो तो़न्‍दु च्‍युक’ ॱनेरी घाङगी झ्‍येरी ॱनाथुक्‍वाले? शोक्‍पो ख्‍यो़, एन्‍ला राङगी ॱमीकगी दुङमागो तो़न धेनी खेरी पी़नगी ॱमीकला हो़गीन स्‍यीङडुकगो तो़न्‍येला ख्‍यी़ सावो थोङगीलाक।”

योहान्‍ना 1:47

येशुगी नाथानेलला राङचारु हुङगीनगो शीक्‍ती खोला सुवालाक, “तो़दाङ, खो नी ॱयो़क्‍यु मेगीन ईस्‍राएल्‍पा ॱङोन्‍ने च्‍यीक लाक।”

रोमापा 1:29

खुङक्‍या नी, चो़पा दुकच्‍या धाङ ङेन्‍पा धाङ सो़न्‍ना धाङ ङेन्‍सेम ॱनाछोकगी खाङ हो़तालाक। धेनी खुङक्‍या ठादोक धाङ मी सोक चेये धाङ ठुक्‍पा ग्‍याप्‍ये धाङ गो कोरये धाङ दाङसेमगी खाङ हो़तालाक। धेनी खुङक्‍या ठामा ग्‍याप्‍ये

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 5:8

होझ्‍येरी ॱनो़सेम धाङ ङेन्‍सेमगी क्‍युरची ॱङीङबा मेन्‍दा, हीना क्‍युरची मेगीन ढाङा धाङ धेन्‍पागी ग्‍याङगा शेरी, पेसाकगी धी़छेन होराङ ताङु।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

१ थेसालोनीकेपा 2:3

हीकी स्‍येगीन ताम्‍शाङ दे नोन्‍डु याङमेना, साम्‍लो ॱमेचाङा धाङ मीला गो कोरयेला मालाक।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

तीतोस 2:3

होदे च्‍योक्‍रे घेमोक्‍याला धाम्‍पे मीजी पी़ धेनी ठामा ॱमास्‍ये धेनी क्षाङदो़मा माझ्‍युङ धेनी मी श्‍येम्‍माक्‍याला ॱलापच्‍या शाङपो तेर ॱनेरी स्‍यो़क।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

याकोब 3:14

हीना खीकी सेम नाङदु ठादोक खाक्‍तीया धाङ राङदो़गी दो़क्षाक हो़ना, खेक्‍या खेवा हो़क ॱनेरी खाप्‍ले स्‍येदी, धेन्‍पाला शोक ॱमास्‍ये।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

याकोब 4:5

याङना “को़न्‍क्षोकगी होरी नाङदु ॱनेरु च्‍युक्‍कीन थुक्‍ङी नी ठादोकगी खाङ हो़तालाक।” ॱनेरी सुङरापगी दो़न्‍मेला देरे सुङवा हीन्‍ढु ॱनेरी, खेक्‍या सामी हो़ती?

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।

१ पेटो 2:16

खेक्‍या राङवाङगी मी च्‍योक्‍रे मीछे क्‍यो हीना राङगी राङवाङगो ङेन्‍पे लेगा काप्‍येला भेचो़ माझ्‍यी। खेक्‍या को़न्‍क्षोकगी श्‍याप्‍चीपा च्‍योक्‍रे मीछे क्‍यो।

१ पेटो 2:22

“खोङबागी धीक्‍पा च्‍यीया माझ्‍ये, धेनी खोङबागी ॱली़टेगी छीक ॱमासुङ।”

१ पेटो 3:10

घीझ्‍येरी ॱनाना “राङगी ॱरोकला चेवा झ्‍यीये, धाङ कीपे ङीमाक्‍या थोङङी दो़गीनक्‍याई, राङगी च्‍येमोला ङेन्‍पा, धाङ राङगी खाला, गो कोरकीन लाबक्‍याने ॱरुङघो़।

१ पेटो 4:2

होझ्‍येरी ली़ नाङदु धेये हीन्‍गीन थुक्‍पे, खेक्‍या मीगी दो़पा मेन्‍दा, को़न्‍क्षोकगी थुकोङला मीछे क्‍यो।

१ पेटो 4:4

धा धान्‍दा खेक्‍या खुङक्‍यामुला क्षोमेगीन च्‍यो़पा ङेन्‍पाला ॱमेथेगीन झ्‍येरी, खुङक्‍या ॱहालेरी खेक्‍याला ॱमेटा ताङालाक।

ॱङो़न्‍पा 14:5

खुङक्‍याई खाला शोक घीया मेतालाक धेनी खुङक्‍या क्‍यो़न मेगीन लाक।