१ पेटो 1:8 - ॱलोवा

⁸ खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ पेटो 1:8 Iomraidhean Croise

मेथा 10:37

ङालाः ल्‍हाक, राङगी फामाला चेवा झ्‍यीना, होदेला ङी मी झ्‍युङयेगी आङजा मेक धेनी ङालाः ल्‍हाक राङगी भु धाङ भोमोला चेवा झ्‍यीना, होदेला ङी मी झ्‍युङयेगी आङजा मेक।

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 14:21

ङी काठीमक्‍या खेलेन्‍दी ॱरुङगीनक्‍याई ङाला झाम्‍पा झ्‍यीदालाक। धेनी ङाला झाम्‍पा झ्‍यीगीनक्‍याला, ङी यापगी झाम्‍पा जेगीलाक। ङी खोला झाम्‍पा झ्‍यीयेहीन धेनी राङला खोचारु ॱङो़न्‍येहीन।”

योहान्‍ना 14:24

धेनी ङाला झाम्‍पा मीझ्‍यीगीनगी ङी का ॱरुङगीमालाक। खेक्‍याई ङेन्‍गीन का दे ङाने मेन्‍दा ङाला ॱङाक्‍कीन यापने लाक।

योहान्‍ना 16:22

देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 20:29

येशुगी खोला सुवालाक, “ख्‍यी़ ङाला थोथा झ्‍येरी, ङाला धेपा झ्‍यीदाले? ङाला ॱमाथोवाला, ङाला धेपा झ्‍यीगीनक्‍या झ्‍यीलाप क्षेली।”

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

जेपा 16:34

धेनी घोरेगी़ खुङ ॱङीउला खोरी नाङदु ठीक्‍ती शामा तेरपालाक। धेनी खो धाङ खी़ नाङमी घीरीगी को़न्‍क्षोकला धेपा झ्‍येरी, खुङ घीरी ङ्यामो घेवालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

१ कोरीन्‍थुपा 16:22

चोवोला चेवा मीझ्‍यीगीनगोला, ॱमेमो फोक्‍वास्‍योक। मारानाथा। (हीकी चोवो, खेराङ फेप्‍रोनाङ।)

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

२ कोरीन्‍थुपा 12:4

धेनी होदुरु खी़ छीकला तो़न ॱमीथुक्‍कीन लाबक्‍या घोरपालाक धेनी होदे नी, मी सी़या ॱना मेछोक्‍वालाक।

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

२ कोरीन्‍थुपा 5:7

घीझ्‍येरी ॱनाना हेक्‍या थोङगीनला तेन्‍ती मेन्‍दा, धेपागी गोने मीछे क्‍यालालाक।

२ कोरीन्‍थुपा 9:15

ढेस्‍ये राङ ग्‍याप ॱमीथुक्‍कीन ॱनाङज्‍यीनगी क्षीदु, को़न्‍क्षोकला थुक्‍जेक्षे श्‍युउ।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

फीलीप्‍पीपा 1:25

दे लाबला ङा तेन्‍दा झ्‍युरी ॱनाहीन। ङा सो़न्‍पो धेगुलाक धेनी खेक्‍या धेपागी नाङ यारके डोये धाङ घाटो झ्‍युङयेगी क्षीदु, ङा खेक्‍या घीरीमुला च्‍योई धेगुलाक ॱनेरी ङाला स्‍येयेहो़क।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

फीलीप्‍पीपा 4:4

खेक्‍या चोवोला तेन्‍दी, नाम्‍हीना घाटो झ्‍यी। ङा धाब्‍ले ॱनाहीन, घाटो झ्‍यी।

ईब्‍रीपा 11:1

धा धेपा नी, होरी रेवा झ्‍यीगीन दो़नगी ॱलोते धाङ होरी ॱमीकगी ॱमेथोङगीन, दो़नक्‍याई रेवा तेन्‍पोगो लाक।

ईब्‍रीपा 11:27

धेपागी गोने खी़ ग्‍यावुगी थुक्‍ठो़ला माजीक्‍वा, एजेप युने थो़न्‍दी सोवालाक। घीझ्‍येरी ॱनाना ॱमीकगी थोङ ॱमीथुक्‍कीन को़न्‍क्षोकला थोथा च्‍योक्‍रे, खो तेन्‍पो झ्‍येरी धेपालाक।

१ पेटो 1:6

दे घीरीगी झ्‍येरी खेक्‍या ङ्यामो घा लाक हीना धी़ तीतेगी क्षीदु धान्‍दा, खेक्‍या दुङा ॱनाछोकक्‍या ङ्याङ घोये हो़तालाक।

१ पेटो 2:7

होझ्‍येरी खे धेपा झ्‍यीगीनक्‍याई क्षीदु खोङ चाक्षे लाक हीना धेपा मीझ्‍यीगीनक्‍याई क्षीदु, “चीक्‍पो़नक्‍याई पाङपा धोगो, शुरधो झ्‍युदुक।”

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।