१ पेटो 1:7 - ॱलोवा

⁷ देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ पेटो 1:7 Iomraidhean Croise

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 25:21

दाक्‍पोगी़ खोला ॱनेवालाक, ‘ॱयोक्‍पो शाङपो धाङ ॱलो का थुप्‍कीन, ख्‍यी़ ॱमीच्‍यीकी घा झ्‍येदुक। ख्‍यी़ ङ्युङाला ढाङपो झ्‍येरी, धा ङा ख्‍यो़ला माङागी गेन तेराहीन। धा ङीमुला घाटो ताङदु स्‍योक।’

मेथा 25:23

दाक्‍पोगी़ खोला ॱनेवालाक, ‘ॱयोक्‍पो शाङपो धाङ ॱलो का थुप्‍कीन, ख्‍यी़ ॱमीच्‍यीकी घा झ्‍येदुक। ख्‍यी़ ङ्युङाला ढाङपो झ्‍येरी, धा ङा ख्‍यो़ला माङागी गेन तेराहीन। धा ङीमुला घाटो ताङदु स्‍योक।’

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 17:30

धा मी-भु ॱङो़न्‍दु जेगीन ङीमागोला देरेराङ झ्‍युङगीलाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 5:44

को़न्‍क्षोक च्‍यीक्‍पोने झ्‍युङगीन कुरतीगो ॱमेचाला, खेक्‍या पी़न्‍सुमगी नाङदु कुरती चागीन झ्‍येरी, खेक्‍या घाङगी झ्‍येरी धेपा झ्‍यी थुक्‍कीले?

जेपा 8:20

हीना पेटोगी खोला ॱनेवालाक, “ख्‍यी़ को़न्‍क्षोकगी ॱनाङज्‍यीनगो आलेगी ङ्यो़री थोप्‍टु ॱनेरी साम्‍दी, ख्‍यो़ धाङ ख्‍यी़ आले मेताला डोवास्‍योक।

रोमापा 2:10

हीना ले शाङा झ्‍यीगीन घीरीला, शीजे धाङ कुरती धाङ श्‍यीदे थोप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 2:29

हीना याहुदापा ॱङोन्‍नेगो सेम नाङने, याहुदापा हीन्‍गीनगो लाक धेनी पाउ चेगीन ॱरो ॱङोन्‍नेगो ढीक्‍टा क्षो़ठीमने मेन्‍दा, धाम्‍पे थुक्‍ङीगी थोक्‍ने झ्‍युङगीन सेम्‍ङीगी लाब लाक। देरे मीगी तो़टा नी, मीने मेन्‍दा को़न्‍क्षोकने झ्‍युङगीलाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,

१ पेटो 2:7

होझ्‍येरी खे धेपा झ्‍यीगीनक्‍याई क्षीदु खोङ चाक्षे लाक हीना धेपा मीझ्‍यीगीनक्‍याई क्षीदु, “चीक्‍पो़नक्‍याई पाङपा धोगो, शुरधो झ्‍युदुक।”

१ पेटो 4:12

चेवेक्‍याओ, खेक्‍याला छो़ता झ्‍यीयेला मे च्‍योक्‍रे, दुक्‍पु खीकी खाला भाप्‍ना, खेक्‍याला खेन्‍छा च्‍यीक झ्‍युङगीन च्‍योक्‍रे ॱहाङ ॱमासाङ।

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।