१ पेटो 1:6 - ॱलोवा

⁶ दे घीरीगी झ्‍येरी खेक्‍या ङ्यामो घा लाक हीना धी़ तीतेगी क्षीदु धान्‍दा, खेक्‍या दुङा ॱनाछोकक्‍या ङ्याङ घोये हो़तालाक।

१ पेटो 1:6 Iomraidhean Croise

मेथा 11:28

“ख्‍ये थाङ क्षेछा धाङ खु क्षेगी ॱनेम्‍दी धेता घीरी ङीचारु स्‍योक, ङी खेक्‍याला ङासु तेरु।

मेथा 26:37

खोङबागी पेटो धाङ जेबेदीगी भीजा ॱङीउ राङगीमुला ठीया जेपालाक। धेनी खोङबा ॱमीच्‍यीकी थुक क्‍योवा जेदी, दुङागी खावालाक।

मेथा 5:12

नाम्‍खे श्‍यीङखामदु खेक्‍याई क्षीला ज्‍यागा क्षे हो़तालाक होझ्‍येरी घागा-कीगी झ्‍यी घीझ्‍येरी ॱनाना खेक्‍याई एन्‍ला हो़गीन ॱङो़नस्‍येखेनक्‍याला, खुङक्‍याई देरेराङ झ्‍येरी दुक्‍पु तावालाक।

लुका 1:47

को़न्‍क्षोक ङी क्‍याम्‍गो़नला, ङी सेम घावा।

लुका 10:20

घीहीन्‍ना ॱनो़पाक्‍या खीकी खाला ङेन्‍दी ॱनेरी, देला ङ्यामो माघा हीना नाम्‍खे श्‍यीङखामदु खीकी मीङ ढीक्‍कीनगोला ङ्यामो घो़।”

लुका 2:10

धेनी नाम्‍खे भाङछेनगी खुङक्‍याला सुवालाक, “खेक्‍या माजीक घीझ्‍येरी ॱनाना ङा खेक्‍याला मी घीरीगी क्षीदु ङ्यामो घारु च्‍युक्‍कीन, ताम्‍शाङ च्‍यीक खेरती होवाहीन।

योहान्‍ना 16:22

देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

रोमापा 5:11

देचो़ च्‍यीगा मेन्‍दा होरी चोवो येशु मास्‍यीकागी थोक्‍ने, होराङ धान्‍दा को़न्‍क्षोकमुला दुमा जेदी, खोङगी थोक्‍ने होराङ को़न्‍क्षोकगी नाङ घाटो झ्‍यीदालाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 9:2

धेन्‍पागो घी लाक ॱनाना, ङी सेम नाङदु दुङा क्षे धाङ ढाक्‍ये मेगीन शुक दुक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

फीलीप्‍पीपा 2:26

घीझ्‍येरी ॱनाना खो खेक्‍या घीरीला ॱमीच्‍यीकी ढेन्‍दालाक धेनी खोराङ नागीनगी कोरला खेक्‍याई घोरती, खो सेम्‍डा झ्‍यीदालाक।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

फीलीप्‍पीपा 4:4

खेक्‍या चोवोला तेन्‍दी, नाम्‍हीना घाटो झ्‍यी। ङा धाब्‍ले ॱनाहीन, घाटो झ्‍यी।

१ थेसालोनीकेपा 1:6

ॱमीच्‍यीकी दुङा क्षेगी खोकलाः खेक्‍याई धाम्‍पे थुक्‍ङीगी घाटो थोक्‍ने ताम्‍शाङगो खेलेन्‍दी, खेक्‍या हे धाङ चोवोगी लेमो झ्‍यीगीन झ्‍युवालाक।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।

याकोब 1:9

पी़न्‍दा ङ्यामच्‍युङक्‍याई राङगी घोक्‍जा थोवाला, ङ्यामो घा झ्‍यीघो़।

याकोब 4:9

खेक्‍या दुङा झ्‍यी, दुक ॱरुङ धेनी ङी़। खीकी घेमोगो ङुताला ग्‍युर धेनी खीकी घाटोगो दुक्‍पुला ग्‍युर।

१ पेटो 3:17

घीझ्‍येरी ॱनाना, को़न्‍क्षोकगी थुकोङ हो़ना, ङेन्‍पा झ्‍येरी ङ्याङयेनेः शाङा झ्‍येरी ङ्याङये दे घागुलाक।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।