१ पेटो 1:23 - ॱलोवा

²³ घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

१ पेटो 1:23 Iomraidhean Croise

मेथा 24:35

ॱनाम-सा ॱङी येरी डुगीलाक हीना ङी काक्‍या येगीमालाक।

लुका 8:11

“धा पेगी दो़न्‍दाकगो नी दे लाक, साङागो को़न्‍क्षोकगी का लाक।

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 1:3

घीरी खोङगी थोक्‍ने झ्‍युवालाक धेनी झ्‍युजा घीरी, खोङगी थोक्‍ने माना माझ्‍युवालाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 6:63

छे ॱनाङगीनगो थुक्‍ङी लाक, ली़ने फेन्‍थोक घीया मेतालाक। ङी ॱनागीन कागो थुक्‍ङी धाङ छे हीन।

रोमापा 1:23

धेनी छीवा मेगीन, को़न्‍क्षोकगी शीजेगो छीवा हो़गीन, मी धाङ झ्‍या धाङ धी़डो धाङ तोडोक्‍या च्‍योक्‍रे थोङगीन, कुन्‍डाक्‍यामुला खुङक्‍याई ज्‍येलालाक।

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ पेटो 1:25

हीना चोवे का नी ग्‍युन्‍दु ॱने।” दे का देराङ खेक्‍याला स्‍येस्‍या ताम्‍शाङगो लाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ योहान्‍ना 3:9

को़न्‍क्षोकने केक्‍या सी़या धीक्‍पा झ्‍यीच्‍यीक झ्‍येरी मेधेतालाक घीझ्‍येरी ॱनाना को़न्‍क्षोकगी साङा खुङक्‍या नाङ श्‍युक्‍वालाक धेनी खुङक्‍या को़न्‍क्षोकने केक्‍या झ्‍येरी, खुङक्‍या धीक्‍पा झ्‍यीच्‍यीक झ्‍यी ॱमीथुक्‍वालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।