१ पेटो 1:22 - ॱलोवा

²² को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 1:22 Iomraidhean Croise

योहान्‍ना 15:17

च्‍यीकगी च्‍यीकला झाम्‍पा झ्‍यी, देराङ खेक्‍याला ङी कागो हीन।”

योहान्‍ना 15:3

ङी स्‍येगीन का दी, खेक्‍या एन्‍दुरु चाङमा झ्‍युसावालाक।

योहान्‍ना 17:17

धेन्‍पागी थोक्‍ने खुङक्‍याला धाम्‍पा जे, खेराङगी का धेन्‍पा हीन।

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

गालातीयापा 3:1

गालातीयापा ॱलेन्‍पाक्‍याओ, खेक्‍याला सी़ थी़ ग्‍याप्‍जो? येशु मास्‍यीका ग्‍याङस्‍यीङ खाला ढोङगीनगो, खीकी ॱमीकगी दोङदु ङी सावो तो़न्‍गीनगो ढेन्‍बा मीदुई?

गालातीयापा 5:5

हीना धेपागी झ्‍येरी धाम्‍पे थुक्‍ङी गोने, होराङ ढाङतेनगी रेवाला घुक्‍ती धे हो़तालाक।

गालातीयापा 5:7

खेक्‍या घायेरे डी़ हो़तालाक हीना, खेक्‍याला धेन्‍पागो चीयेला सी़ काक्‍जो?

एफीसुपा 4:3

धाम्‍पे थुक्‍ङीने झ्‍युङगीन थी़न्‍डीलगो, श्‍यीदेगी गोने घी थुप-थुप ॱरुङये थापस्‍यी झ्‍यी।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

१ थेसालोनीकेपा 3:12

धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ तीमोथेउ 5:2

धाङ घेमोक्‍याला आमाक्‍या च्‍योक्‍रे धेनी नाच्‍युङमाक्‍याला नुमोक्‍या च्‍योक्‍रे, सेम चाङमागी गोने चो़पा झ्‍यी।

२ तीमोथेउ 1:14

ख्‍यो़ला चोचा गेन शाङपोगो, होरी नाङ श्‍युक्‍कीन धाम्‍पे थुक्‍ङीगी गोने ॱरुङ।

ईब्‍रीपा 11:8

धेपागी गोने को़न्‍क्षोकगी आब्‍राहामला ॱनाङयेगी धाम्‍चा जेजा, यु च्‍यीकरु डोयेला भो़ली घाङला, खो घारु डोये हीन्‍गीनगो स्‍येये मेतालाः, खो काला ङेन्‍दी सोवालाक।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 2:17

घीरीला घुस्‍याप झ्‍यी। धेनी मास्‍यीकावा पी़नक्‍याला चेवा झ्‍यी। धेनी को़न्‍क्षोकला जीक्‍नाङ झ्‍यी। धेनी ग्‍यावुक्‍याला कुरती झ्‍यी।

१ पेटो 3:1

केमीक्‍याओ, देरेराङ झ्‍येरी राङगी ख्‍योवागी होकला धो़क। धेनी खुङक्‍याने रीङगागी को़न्‍क्षोक काला ॱमीचीनाः, खोरी केमीक्‍याई च्‍यो़पागी झ्‍येरी स्‍ये मेघोलाला, खुङक्‍याई सेम ग्‍युरवा थेप थुक्‍कीलाक।

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 4:17

घीझ्‍येरी ॱनाना को़न्‍क्षोकगी नाङमीनेराङ गो चुक्‍ती, ठीम चेयेगी धी़ भाप्‍दुक धेनी दे होराङक्‍याने गो चुक्‍ना, को़न्‍क्षोकगी ताम्‍शाङ ॱमीचीगीनक्‍याई ढेबुगो घी झ्‍युङी हो़टु?

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 3:11

“होराङ च्‍यीकगी च्‍यीकला झाम्‍पा झ्‍यीघो़।” ॱनागीन, खेक्‍याई एम्‍माने घोरकीन कालोपगो दे लाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 4:12

को़न्‍क्षोकला सी़या ज्‍या माङ्युङ हो़तालाक हीना होरी च्‍यीकगी च्‍यीकला झाम्‍पा झ्‍यीना, को़न्‍क्षोक होरी नाङदु श्‍युक्‍वालाक धेनी खोङबागी झाम्‍पा होरी नाङदु छाङगो झ्‍युङालाक।

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

१ योहान्‍ना 4:7

ङी चेवेक्‍याओ, होराङक्‍या च्‍यीकगी च्‍यीकला झाम्‍पा झ्‍यीदु घीझ्‍येरी ॱनाना झाम्‍पा नी, को़न्‍क्षोकने लाक। धेनी झाम्‍पा झ्‍यीगीन घीरी को़न्‍क्षोकने केवालाक धेनी को़न्‍क्षोकला ङो स्‍येलालाक।

ॱङो़न्‍पा 2:4

“हीना ख्‍यी़ गोमाला हो़गीन चेवा पाङगीनगी क्‍यो़नगो, ङा ख्‍यो़ला तो़न्‍येहो़क।