१ पेटो 1:21 - ॱलोवा

²¹ धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ पेटो 1:21 Iomraidhean Croise

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 12:44

धेनी येशुगी सुङकेक क्षेगी थोक्‍ने सुवालाक, “ङाला धेपा झ्‍यीगीनगी ङाला मेन्‍दा, ङाला ॱङाक्‍कीनला धेपा झ्‍यीदालाक।

योहान्‍ना 14:1

येशुगी ङेनेक्‍याला सुवालाक, “खेक्‍या सेम फाम्‍बा माझ्‍यी। को़न्‍क्षोकला ॱलो को धेनी ङालाः ॱलो को।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

रोमापा 10:9

खेक्‍याई राङगी खागी “येशु नी चोवो लाक” ॱनेरी ॱनाना धेनी को़न्‍क्षोकगी खोङला छीवाने ॱलार सो़न्‍पो जेपालाक ॱनेरी, धेपा झ्‍यीना खेक्‍याला थारपा थोप्‍कीलाक।

रोमापा 4:24

हीना होरी क्षीदुवाः ढीक्‍पालाक। होरी चोवो येशुला छीवाने कुसो़न्‍पो श्‍याङा जेगीन, को़न्‍क्षोकला धेपा झ्‍यीगीन होराङक्‍याला को़न्‍क्षोकगी ढाङपो चीगीलाक।

२ कोरीन्‍थुपा 6:15

मास्‍यीका धाङ धी़ बेलीयार थी़न थुक्‍वाले? धेपा झ्‍यीगीनक्‍याई धेपा मीझ्‍यीगीनक्‍यामुला ढेवा घी हो़ताले?

एफीसुपा 1:15

होझ्‍येरी चोवो येशुला खेक्‍याई धेपा हो़गीन धाङ को़न्‍क्षोकगी धाम्‍पे मीक्‍याला, खेक्‍याई चेवागी कोरला ङी घोरती,

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।