१ पेटो 1:20 - ॱलोवा

²⁰ जीक्‍तेन ॱमाको़ एन्‍लाराङ मास्‍यीकाला दामा जेपालाक हीना खेक्‍याई क्षीदु थामे धी़ला खोङबा ॱङो़न्‍दा जेपालाक।

१ पेटो 1:20 Iomraidhean Croise

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 3:11

दे नी, को़न्‍क्षोकगी थामेपे थुकोङला तेन्‍ती, मास्‍यीका येशु होरी चोवोगी थोक्‍ने डुपा जेपालाक।

कोलोसेपा 1:26

धी़रापने धी़राप धेनी मीरापने मीराप थुक्‍पे हो़गीन साङवागो, धान्‍दा खोङबागी धाम्‍पे मीक्‍याला ॱङो़न हो़तालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 9:26

देरे मेन्‍ना जीक्‍तेन को़ने ॱहाला, खोङबागी याङ-याङ दुक्‍पो ङ्याङ घोये हो़तालाक। हीना खोङबा राङगी ॱमारछो़गी थोक्‍ने, धीक्‍पा घीरी सेयेगी क्षीला, थेङ च्‍यीक्‍लाराङ घीरीगी क्षीदु दे धी़गी थाला ॱङो़न जेपालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ योहान्‍ना 1:2

धेनी दे छेसोकगो ॱङो़न्‍पालाक। हीकी होदे ज्‍यावी धेनी होदेगी पाङपो झ्‍यीदाहीन। धेनी यापगी मुला हो़गीन धाङ स्‍याम्‍ला हीकी चारु ॱङो़न्‍गीन, थामेपे छेसोकगी कोरला हे खेक्‍याला सेटाक झ्‍यीदाहीन।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।