१ पेटो 1:2 - ॱलोवा

² याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 1:2 Iomraidhean Croise

मेथा 24:22

धेनी होदे धी़चो़गी ङीमागो ङ्युङा माजे हो़ना, मी सुवा थारये मेक। हीना दाम्‍दा मीक्‍याई क्षीला ङीमा देक्‍या ङ्युङदु जेगीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

मारकु 13:20

धेनी को़न्‍क्षोकगी होदे ङीमागी़ ढाङगा ङ्युङदु ॱमाता हो़ना, मी च्‍यीया सो़न्‍पो लेगीमालाक हीना खोङबागी दाम्‍दा मीक्‍याई क्षीला, होदे ङीमागी ढाङगा ङ्युङदु ताङा जे हो़तालाक।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

मारकु 13:27

धेनी खोङबागी खोरी भाङछेनक्‍या झाङगीलाक धेनी जाम्‍बुलीङगी थामाने, ॱनामगी थामा थुक्‍पे क्षोक श्‍यीने राङगी दाम्‍दा मीक्‍याला धुगीलाक।”

लुका 18:7

धेनी को़न्‍क्षोकगी राङगी दाम्‍दा मीक्‍याई ङीन्‍घाङ-छेन्‍घाङ सोवा ग्‍याप्‍ना, खुङक्‍याला ठीम ढाङपो चेदा जेगीमालाक से? खोङबागी खुङक्‍याला रोवा झ्‍यीयेला धाला जेगीलाक से?

जेपा 15:18

चोवो को़न्‍क्षोकगी सुङालाक।’”

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 11:2

को़न्‍क्षोकगी एम्‍माने खेन्‍दा जेजा, राङगी मीक्‍याला पाङा माजे हो़तालाक। सुङरापला एलीयागी कोरला देरे सुङगीनगो, खेक्‍याला स्‍येये मेताले? खोङगी ईस्‍राएलगी कोरला, को़न्‍क्षोकमुला दुकेक ग्‍याप्‍ती देरे श्‍यी़वालाक,

रोमापा 11:28

ताम्‍शाङगी छा श्‍याक्‍ती ॱनाना, ईस्‍राएल्‍पा रीङगा खेक्‍याई क्षीदु को़न्‍क्षोकगी डा लाक हीना खुङक्‍याई धाङबी फामाक्‍याई झ्‍येरी, को़न्‍क्षोकगी दामा जेजागोला छा श्‍याक्‍ना, खुङक्‍या को़न्‍क्षोकगी चेवेक्‍या लाक।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

रोमापा 16:19

खेक्‍या खाला ङेन्‍पो हो़गीनगो, मी घीरीला स्‍येये हो़तालाक धेनी खेक्‍याई झ्‍येरी ङा घाटो झ्‍यीदाहीन। हीना खेक्‍या शाङा हीन्‍गीनगोला चाङजे झ्‍यीये धाङ ङेन्‍पा हीन्‍गीनगोला क्‍यो़न मेगीन झ्‍युङगीनगो ङा दो़दीहो़क।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

रोमापा 8:33

को़न्‍क्षोकगी दामा जेजाक्‍याला सी़ क्‍यो़न चुक थुक्‍कीले? ढाङपो जेगीन नी को़न्‍क्षोक लाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

२ कोरीन्‍थुपा 10:5

को़न्‍क्षोकगी स्‍येयो़नला काक्‍कीन चो़लीङक्‍या धाङ झ्‍यी़ङेनक्‍याला, हेक्‍या चामेदु ताङाहीन। धेनी साम्‍लो घीरीला मास्‍यीकागी काला ङेन्‍येला वाङ होकदु दुवालाक।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 11:28

गोमा केक्‍या भुला मेताला ताङगीनगी़, ईस्‍राएलगी गोमा केक्‍या भुक्‍याला थो ॱमेताङये क्षीदु, धेपागी गोने खी़ पेसाकगी धी़छेन ॱरुवालाक धेनी ठाक तोरपालाक।

ईब्‍रीपा 12:24

धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

१ पेटो 1:14

खेक्‍या टुवा खाला ङेन्‍पोक्‍या च्‍योक्‍रे, एम्‍मा खीकी ॱमास्‍येवाला झ्‍येजा दो़छाकक्‍याला याङ खेक्‍या माडे।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ पेटो 1:20

जीक्‍तेन ॱमाको़ एन्‍लाराङ मास्‍यीकाला दामा जेपालाक हीना खेक्‍याई क्षीदु थामे धी़ला खोङबा ॱङो़न्‍दा जेपालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

२ पेटो 1:2

को़न्‍क्षोक धाङ होरी चोवो येशुगी स्‍येरापगी नाङ थुक्‍जे धाङ श्‍यीदे, खेक्‍याला मेछो़ली थोप्‍पास्‍योक।

२ योहान्‍ना 1:1

ङा गेम्‍पाने, को़न्‍क्षोकगी दामा जेजा भोमो धाङ मी़ टुवाक्‍याला, यीक दे ढीयाहीन। खेक्‍याला ङी ॱङोन्‍नेगी चेवा झ्‍यीदीहो़क धेनी ङा च्‍यीगा मेन्‍दा, हीना धेन्‍पा ङोस्‍येगीन घीरीगीया खेक्‍याला चेवा झ्‍यीदालाक।

२ योहान्‍ना 1:13

को़न्‍क्षोकगी दामा जेजा खीकी नुमोगी, टुवाक्‍यागीया खेक्‍याला छाम्‍डी श्‍यी़क।

युदा 1:2

ॱङीङजे धाङ श्‍यीदे धाङ झाम्‍पा, खेक्‍याला मेछो़ली हुङास्‍योक।