१ पेटो 1:12 - ॱलोवा

¹² धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ पेटो 1:12 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मारकु 16:15

धेनी येशुगी खुङक्‍याला सुवालाक, “जाम्‍बुलीङ घीरीदु सोङ धेनी मी घीरीला ताम्‍शाङगो स्‍यो़क।

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

लुका 9:6

धेनी खुङक्‍या घोङपा श्‍युरी यु च्‍यीकने श्‍येम्‍मा झ्‍येरी, घीरीला ताम्‍शाङगो स्‍येदी धेनी हो़लेदु नेपाक्‍या चो़गा झ्‍येरी सोवालाक।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

जेपा 10:44

पेटोगी होदे लाबक्‍या ताङी घाङला, खोला ङेन्‍दी धेगीन घीरीगी खाला धाम्‍पे थुक्‍ङी भाप्‍पालाक।

जेपा 16:10

पाउलुगी होदेरे थोङनाङ थोरी, हेक्‍या उक्‍कुरा माकेडोनीया स्‍योकला डोये डाढीक झ्‍युवी। घीझ्‍येरी ॱनाना होदे साजागी मीक्‍याला चोवोगी ताम्‍शाङ स्‍येयेला, को़न्‍क्षोकगीराङ भो़ जेपालाक ॱनागीन लाब, हेक्‍याला क्षा झ्‍युजुङ।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 4:8

धेनी पेटो धाम्‍पे थुक्‍ङीगी खारी, खुङक्‍याला ॱनेवालाक, “मीक्‍याई पो़न्‍पोक्‍या धाङ गोठीक्‍या!

जेपा 8:25

पेटो धाङ योहान्‍नागी येशुगी पाङपो झ्‍यीये धाङ चोवोगी का स्‍येसारती, येरुसालेमदु लोक्‍पालाक। धेनी लाम्‍गाला डी़ घाङला, सामारीयागी यु माङक्षेला ताम्‍शाङगो स्‍येदी-स्‍येदी सोवालाक।

रोमापा 1:15

होझ्‍येरी ङा रोमदु हो़गीन, खेक्‍यालाः ताम्‍शाङ स्‍येयेला दो़पा क्षे हो़क।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

१ कोरीन्‍थुपा 2:10

हीना देक्‍या नी, को़न्‍क्षोकगी होराङला धाम्‍पे थुक्‍ङीगी गोने ॱङो़न जे हो़तालाक। घीझ्‍येरी ॱनाना धाम्‍पे थुक्‍ङीगी दो़न घीरी धाङ को़न्‍क्षोकगी साङवा तीङरीङाक्‍याः चालालाक।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

गालातीयापा 1:12

घीझ्‍येरी ॱनाना ङाला दे मी सुनेः जोरपा मालाक धेनी सी़या ॱलाप्‍पा मालाक हीना येशु मास्‍यीकाला ॱङो़न्‍सुम ज्‍यारी, खोङबाने ङाला दे थोप्‍सुङ।

गालातीयापा 1:16

याहुदापा मेन्‍गीन मीरीकक्‍याला ताम्‍शाङ स्‍येयेगी क्षीला, खोङबागी से ङाला तो़न जेसुङ धेनी ङी छाटाक झ्‍येरी सी़मुला ढो़ माझ्‍ये,

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

१ थेसालोनीकेपा 2:9

पी़न्‍दाक्‍याओ, खेक्‍याला को़न्‍क्षोकगी ताम्‍शाङ स्‍येदी घाङला, सुलाः घाक्‍वा माझ्‍युवास्‍योक ॱनेरी, हीकी ङीन-छेन लेगा झ्‍येवी धेनी हीकी काल्‍ले धाङ दुक्‍पु खेक्‍याला स्‍येये हो़तालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।

१ पेटो 1:25

हीना चोवे का नी ग्‍युन्‍दु ॱने।” दे का देराङ खेक्‍याला स्‍येस्‍या ताम्‍शाङगो लाक।

१ पेटो 4:6

होझ्‍येरी मीला च्‍योक्‍रे स्‍यीम्‍पोक्‍याला ली़ला ठीम्‍चो़ झ्‍येहो़नाः, सेम्‍ङीला खुङक्‍या को़न्‍क्षोक च्‍योक्‍रे सो़न्‍पो ॱनेयेगी क्षीदु, खुङक्‍यालाः ताम्‍शाङगो स्‍येपालाक।

ॱङो़न्‍पा 5:11

धेनी ङी तेवी धेनी श्‍युक्‍ठी धाङ सेम्‍चेनक्‍या धाङ ॱलोपो़नक्‍याई थाकोरला, नाम्‍खे भाङछेन तोङठाक धाङ बुमठाकगी सुङकेक घोरजुङ।