१ पेटो 1:10 - ॱलोवा

¹⁰ खेक्‍याई क्षीला झ्‍युङये हीन्‍गीन थुक्‍जेगी कोरला ॱङो़नस्‍ये जेगीन ॱङो़नस्‍येखेनक्‍याई, दे थारपागी कोरला ॱमीच्‍यीकी श्‍यीप्‍ता झ्‍येरी चाजो़ झ्‍येवालाक।

१ पेटो 1:10 Iomraidhean Croise

मेथा 13:17

ङा खेक्‍याला धेन्‍पाराङ ॱनाहीन, ॱङो़नस्‍येखेन धाङ मी ढाङा माङक्षेगी, खेक्‍याई थोङगीनगो थोङये दो़पालाक हीना ॱमाथोवालाक धेनी खेक्‍याई घोरकीनगो, ङेन्‍ङी दो़पालाक हीना ॱहामाघोरपालाक।”

मेथा 26:24

मी-भुला खी़ कोरला ढीक हो़गीन दे च्‍योक्‍रे, झ्‍युङघोगुलाक हीना मी-भुला डागी लाकला ची ग्‍याप्‍कीनगो ॱङ्याली। मी दे जीक्‍तेनदु केवाले ॱमाके हो़ना, घा हुङयेहो़क।”

लुका 10:24

घीझ्‍येरी ॱनाना ङा खेक्‍याला ॱनाहीन, खेक्‍याई घी थोथागो थोङये धाङ खेक्‍याई घोकोवागो ङेन्‍येगी दो़पा, ॱङो़नस्‍येखेनक्‍या धाङ ग्‍यावु माङागी दो़पालाक हीना ॱमाथोवालाक धेनी माघोपालाक।”

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

योहान्‍ना 7:52

खुङक्‍याई खोला ॱनेवालाक, “ख्‍यो़याः गालीलपा हीने? सुङरापला चारी तो़, गालीलने ॱङो़नस्‍येखेन सुवा मीझ्‍युङगीलाक।” [

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।