१ योहान्‍ना 5:2 - ॱलोवा

² होराङ को़न्‍क्षोकला चेवा झ्‍ये धेनी खोङगी काक्‍या ॱरुङना, देनेराङ होराङ को़न्‍क्षोकगी से धाङ सेमोक्‍याला चेवा झ्‍यीगीनगो होरी स्‍येलालाक।

१ योहान्‍ना 5:2 Iomraidhean Croise

योहान्‍ना 15:17

च्‍यीकगी च्‍यीकला झाम्‍पा झ्‍यी, देराङ खेक्‍याला ङी कागो हीन।”

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 2:5

हीना खोङबागी का ॱरुङगीनगी़ नाङ, को़न्‍क्षोकगी झाम्‍पा ॱङोन्‍नेगी फी़न्‍सुम छोक्‍पा हुङालाक। देनेराङ होराङ खोङगी नाङ ॱने हो़गीनगो, होरी ॱहाघोरालाक।

१ योहान्‍ना 3:14

होराङक्‍या छीवाने सो़न्‍पो ग्‍युरवालाक ॱनेरी, होराङ स्‍येलालाक घीझ्‍येरी ॱनाना होराङ होरी पी़नक्‍याला झाम्‍पा झ्‍यीदालाक। झाम्‍पा मीझ्‍यीगीन नी, छीवा नाङदु ॱनेलालाक।

१ योहान्‍ना 4:21

को़न्‍क्षोकला चेवा झ्‍यीगीनगी, राङगी पी़नला झाम्‍पा झ्‍यीघो़। दे नी, खोङबागी होराङला ॱनाङना का लाक।