१ योहान्‍ना 5:18 - ॱलोवा

¹⁸ को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।

१ योहान्‍ना 5:18 Iomraidhean Croise

मेथा 5:37

ख्‍यी़ स्‍येगीनगो हीन्‍ना ‘हीन’ मेन्‍ना ‘मेन’ झ्‍युङघोगुलाक। देले ल्‍हाक हुङगीनक्‍या ङेन्‍पागोने हुङालाक।

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 15:4

ङी नाङ ॱने धेनी ङा खेक्‍या नाङ ॱनेलाहीन। याक्‍का नी घुन्‍डुम स्‍यीङदोङला ॱमेनेना, राङस्‍यीनगी ढेबु ॱमेकेगीन च्‍योक्‍रे, खेक्‍याः ङी नाङ ॱमेनेना, ढेबु क्षाक ॱमीथुक्‍वालाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 15:9

“यापगी ङाला चेवा जेगीन च्‍योक्‍रे, ङीयाः खेक्‍याला चेवा झ्‍येहो़क। खेक्‍या ङी चेवे नाङदु ॱने च्‍यीक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।

१ योहान्‍ना 3:9

को़न्‍क्षोकने केक्‍या सी़या धीक्‍पा झ्‍यीच्‍यीक झ्‍येरी मेधेतालाक घीझ्‍येरी ॱनाना को़न्‍क्षोकगी साङा खुङक्‍या नाङ श्‍युक्‍वालाक धेनी खुङक्‍या को़न्‍क्षोकने केक्‍या झ्‍येरी, खुङक्‍या धीक्‍पा झ्‍यीच्‍यीक झ्‍यी ॱमीथुक्‍वालाक।

१ योहान्‍ना 4:6

होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:15

धेनी होरी घी श्‍यी़ना खोङगी सेन्‍दालाक ॱनेरी होराङला स्‍येये हो़ना, होराङला होरी श्‍यी़गीनगो थोप हो़तालाक ॱनेरीया, होराङला स्‍येये हो़तालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

१ योहान्‍ना 5:21

चेवे टुवाक्‍याओ, ल्‍हाकुन्‍डाक्‍याने जेम्‍दी धो़क।

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

युदा 1:21

राङला को़न्‍क्षोकगी झाम्‍पाला ॱनेती श्‍योक धेनी थामेपे छेसोकला ठीक्‍कीन, होरी चोवो येशु मास्‍यीकागी ॱङीङजेला घुक्‍ती धो़क।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।