1 येशु नी मास्यीका लाक ॱनेरी, धेपा झ्यीगीन घीरी को़न्क्षोकने केवालाक धेनी यापला चेवा झ्यीगीन घीरीगी, खोङने केक्या टुवाक्यालाः चेवा झ्यीदालाक।
सीमोन पेटोगी ॱनेवालाक, “खेराङ नी मास्यीका, सो़न्पो को़न्क्षोकगी सेगो लाक।”
घीझ्येरी ॱनाना खो हीकी मीरीकला चेवा झ्यीदालाक धेनी खी़ हीकी छोक्खाङगोवाः चीक्पालाक।”
घीरी खोङगी थोक्ने झ्युवालाक धेनी झ्युजा घीरी, खोङगी थोक्ने माना माझ्युवालाक।
ङाला दाङा झ्यीगीनगी़, ङी यापलाः दाङा झ्यीदालाक।
येशुगी खोला सुवालाक, “ङा ख्यो़ला धेन्पा धेनक्याङ ॱनाहीन, मी च्यीक धाब्ले ॱमेकेना, खी़ को़न्क्षोकगी ग्यासी थोङ ॱमीथुक्कीलाक।”
धेनी खेराङ को़न्क्षोकगी धाम्पागो लाक ॱनेरी, हेक्या धेपा झ्यीदीहो़क धेनी दे हेक्याला स्येयेहो़क।”
येशुगी खुङक्याला सुवालाक, “को़न्क्षोक खीकी याप हीन्ना, खीकी ङाला चेवा झ्यीयेहो़क घीझ्येरी ॱनाना ङा को़न्क्षोकने होवा झ्येरी, ङा धान्दा दुरु हो़क। ङा राङला तेन्दी होवामेन हीना खोङबागी ङाला ॱङाक्पालाक।
धेनी खुङक्या होदे लाम्गाने डी़ घाङला, क्षु हो़जारु ॱलेप्पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्येला घीन्गी काक थुक्कीले?”
[धेनी फीलीपगी ॱनेवालाक, “ख्यी़ सेम नाङने धेपा झ्यीना ठी़सो़ लेन्ना ढीक्कीलाक।” होदे मी दी लेन ग्याप्पालाक, “येशु मास्यीका को़न्क्षोकगी से हीन ॱनेरी, ङा धेपा झ्यीदाहीन।”]
खोङबागी को़पा घीरीने, लोदोक फी़गो होराङ झ्युङास्योक ॱनेरी, खोङबाराङगी थुकोङगी धेन्पे का थोक्ने, होराङला केवा साबा ॱनाङा जेपालाक।
को़न्क्षोक, होरी चोवो येशु मास्यीकागी यापला तो़पा पुलो। खोङबागी ॱङीङजे क्षेम्बोगी, येशु मास्यीका छीवाने सो़न्पो जेदी, दी थोक्ने होराङक्याला रेवा सो़न्पो थोप्येगी क्षीदु, होराङक्याला छे साबा ॱनाङ हो़तालाक।
याङ राङगी पी़नक्याला चेवा झ्यीगीनगो हो़ नाङला ॱनेलालाक धेनी खी़ नाङला फुदोक स्योरतु च्युक्ये क्यो़न घीया मेतालाक।
खोङ ढाङपो हीन्गीनगो खेक्याई ॱहाघोर हो़ना, ढाङपो झ्यीगीन घीरी खोङगी थोक्ने केवालाक ॱनेरी, खेक्याई ॱहाघोरालाक।
होराङक्या छीवाने सो़न्पो ग्युरवालाक ॱनेरी, होराङ स्येलालाक घीझ्येरी ॱनाना होराङ होरी पी़नक्याला झाम्पा झ्यीदालाक। झाम्पा मीझ्यीगीन नी, छीवा नाङदु ॱनेलालाक।
जीक्तेन दी ग्युनोर हो़गीन मी च्यीकगी, राङगी पी़न च्यीकला घो़गीनगो थोङाराङ खोला ॱङीङजे ॱमेकेना, को़न्क्षोकगी झाम्पा खी़ नाङ घाङगी झ्येरी ॱने थुक्कीले?
को़न्क्षोकने केक्या सी़या धीक्पा झ्यीच्यीक झ्येरी मेधेतालाक घीझ्येरी ॱनाना को़न्क्षोकगी साङा खुङक्या नाङ श्युक्वालाक धेनी खुङक्या को़न्क्षोकने केक्या झ्येरी, खुङक्या धीक्पा झ्यीच्यीक झ्यी ॱमीथुक्वालाक।
येशु मास्यीका कुली़ला फेप्पालाक ॱनेरी, खेलेन झ्यीगीन सेम्ङी घीरी को़न्क्षोकने लाक। दी गोने को़न्क्षोकगी थुक्ङी खेक्याई ङो स्येलालाक।
मी च्यीकगी “ङा को़न्क्षोकला चेवा झ्यीदीहो़क।” ॱनेरी ॱने, हीना राङगी पी़नला दाङा झ्यीना, खो शोक्पो लाक घीझ्येरी ॱनाना राङगी ॱमीकगी थोङगीन राङगी पी़नला झाम्पा मीझ्यीगीनगी, ॱमीकगी थोङ माङ्युङगीन को़न्क्षोकला चेवा झ्यी ॱमीथुक्कीलाक।
ङी चेवेक्याओ, होराङक्या च्यीकगी च्यीकला झाम्पा झ्यीदु घीझ्येरी ॱनाना झाम्पा नी, को़न्क्षोकने लाक। धेनी झाम्पा झ्यीगीन घीरी को़न्क्षोकने केवालाक धेनी को़न्क्षोकला ङो स्येलालाक।
को़न्क्षोकने केक्या हीन्गीनगी धीक्पा झ्यीच्यीक मीझ्यीदालाक ॱनेरी, होराङला स्येये हो़तालाक। को़न्क्षोकने ठुङगीनगी़ खोला क्योप्कीलाक धेनी धी़गी खोला ॱनो़ क्या ॱमीथुक्कीलाक।
घीझ्येरी ॱनाना को़न्क्षोकने केक्या घीरीगी, जीक्तेन देला ग्यागा थोबालाक। धेनी जीक्तेन दे थारती ग्यागा थोप्थागो, होरी धेपा लाक।
जीक्तेन देला ग्यागा थोप्कीन नी सुले? येशुराङ को़न्क्षोकगी से लाक ॱनेरी, धेपा झ्यीगीनगो च्यीगा लाक।