१ योहान्‍ना 4:9 - ॱलोवा

⁹ होराङक्‍या सेगी थोक्‍ने सो़न्‍पो ॱनेयेगी क्षीदु को़न्‍क्षोकगी, राङगी से च्‍यीक च्‍यीक्‍पोगो जीक्‍तेनदु ॱङाक जेपालाक। दी गोनेराङ, को़न्‍क्षोकगी राङगी झाम्‍पा होराङक्‍याला ॱङो़न्‍पालाक।

१ योहान्‍ना 4:9 Iomraidhean Croise

मारकु 12:6

“धा खोला भीजा ढीन्‍चेन च्‍यीक हो़तालाक। धेनी ‘खुङक्‍याई ङी भीजाला घुस्‍याप झ्‍यीगीलाक।’ साम्‍दी, खी़ भीजागो झावालाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

योहान्‍ना 10:10

कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:18

खोङबाला धेपा झ्‍यीगीनला ठीम ॱमेफोक्‍कीलाक हीना खोङबाला धेपा मीझ्‍यीगीनगोला, एन्‍दुरु ठीम फोक्‍सालाक घीझ्‍येरी ॱनाना खी़ को़न्‍क्षोकगी से च्‍यीक्‍पोगी छेनला धेपा माझ्‍येवालाक।

योहान्‍ना 6:29

येशुगी खुङक्‍याला सुङा जेपालाक, “को़न्‍क्षोकगी ॱङाक्‍कीनगोला धेपा झ्‍यीयेगो राङ, को़न्‍क्षोकगी क्षाक्‍ले लाक।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

योहान्‍ना 6:57

सो़न्‍पो यापगी ङाला ॱङाक्‍ती, ङा यापला तेन्‍दी सो़न्‍पो ॱनेलाहीन। दे च्‍योक्‍रे ङाला शागीनगोवा ङाला तेन्‍दी सो़न्‍पो ॱनेगीलाक।

योहान्‍ना 8:29

धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

योहान्‍ना 9:3

येशुगी सुङा जेपालाक, “मी दी धीक्‍पा झ्‍येरी मालाक धेनी खी़ फामे धीक्‍पा झ्‍येरीयाः मालाक हीना को़न्‍क्षोकगी क्षाक्‍ले, खी़ नाङने ॱङो़न्‍दु जेयेगी क्षीला झ्‍युवालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

ईब्‍रीपा 1:5

को़न्‍क्षोकगी नाम्‍खे भाङछेनक्‍याने सुलाः देरे नामा सुङा माजे हो़तालाक, “ख्‍यो़ नी ङी भु लाक। धीरीङ ङा ख्‍यी़ याप झ्‍युङ हो़क।” धेनी याङ “ङा खी़ याप झ्‍युङयेहीन धेनी खो ङी भु झ्‍युङगीलाक।”

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

१ योहान्‍ना 4:16

होझ्‍येरी को़न्‍क्षोकगी झाम्‍पा होराङला हो़गीनगो, होराङ स्‍येलालाक धेनी यीच्‍चे झ्‍यीदालाक। को़न्‍क्षोक नी, झाम्‍पा जेगीन को़न्‍क्षोक लाक। धेनी झाम्‍पा नाङला ॱनेगीनगो, को़न्‍क्षोकगी नाङ ॱनेलालाक धेनी को़न्‍क्षोक खी़ नाङ श्‍युक्‍वालाक।

१ योहान्‍ना 5:11

धेनी पाङपोगो नी, को़न्‍क्षोकगी होराङला थामेपे छेसोक ॱनाङ हो़तालाक धेनी छे दे खोङगी से नाङ हो़तालाक।

१ योहान्‍ना 5:13

को़न्‍क्षोकगी सेगी छेनला धेपा झ्‍यीगीन, खेक्‍याला थामेपे छेसोक हो़तालाक ॱनेरी, खेक्‍याई स्‍येयेगी क्षीला ङा खेक्‍याला दे लाबक्‍या ढीयाहीन।