१ योहान्‍ना 4:6 - ॱलोवा

⁶ होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

१ योहान्‍ना 4:6 Iomraidhean Croise

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 10:3

घो ॱरुङगीनगी खी़ क्षीला घो पेगीलाक। लुकक्‍याई खी़ केकला ङेन्‍दालाक। धेनी खी़ राङगी लुकक्‍याई मीङने भो़री फीला ठीयालाक।

योहान्‍ना 13:20

ङा खेक्‍याला धेन्‍पा धेनक्‍याङ ॱनाहीन, ङी झाङगीनगोला खेलेन झ्‍यीगीनगी़ ङाला खेलेन झ्‍यीदालाक धेनी ङाला खेलेन झ्‍यीगीनगी़ ङाला ॱङाक्‍कीनगोला खेलेन झ्‍यीदालाक।”

योहान्‍ना 14:17

दे नी धेन्‍पा तो़न्‍गीन धाम्‍पे थुक्‍ङी लाक। जीक्‍तेनगी मीक्‍याई खोङबाला सी़ ॱमीथुक्‍कीलाक घीझ्‍येरी ॱनाना खुङक्‍याई खोङबाला ॱमेथोङालाक धेनी ङो ॱमेस्‍येलालाक। खोङबा खेक्‍यामुला ॱनेलालाक धेनी खीकी नाङ ॱनेगीलाक, होझ्‍येरी खेक्‍याई खोङला ङो स्‍येलालाक।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

योहान्‍ना 8:23

येशुगी खुङक्‍याला सुङा जेपालाक, “खेक्‍या होकने हीन धेनी ङा तो़ने हीन। खेक्‍या दे जीक्‍तेनगी लाक धेनी ङा दे जीक्‍तेनगी मेन।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 11:8

सुङरापला देरे ढीक हो़तालाक, “को़न्‍क्षोकगी खुङक्‍याला ॱहाराङ घो ॱमीथुप्‍कीन सेम धाङ थोङ ॱमीथुप्‍कीन ॱमीक धाङ, ङेन ॱमीथुप्‍कीन आमच्‍योक ॱनाङा जेपालाक। धेनी धान्‍दागी ङीमा थुक्‍पे देरेराङ ॱने हो़तालाक।”

१ कोरीन्‍थुपा 14:37

खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

१ तीमोथेउ 4:1

स्‍यामगी धी़ला मी रीङगा ॱली़गीन सेम्‍ङीक्‍या धाङ डेगी क्षो़ला तेन्‍दी, राङगी धेपा पाङगीलाक सुरी, धाम्‍पे थुक्‍ङीगी सायेरे सुङ हो़तालाक।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

१ योहान्‍ना 4:4

चेवे टुवाक्‍याओ, खेक्‍या को़न्‍क्षोकने लाक धेनी खुङक्‍याई खाला ग्‍यासालाक घीझ्‍येरी ॱनाना जीक्‍तेनदु हो़गीनगोनेः, खीकी नाङदु श्‍युक्‍कीनगो खाक्‍क्षे लाक।

१ योहान्‍ना 4:8

झाम्‍पा मीझ्‍यीगीनक्‍याई को़न्‍क्षोकला ङो ॱमेस्‍येलालाक घीझ्‍येरी ॱनाना को़न्‍क्षोक नी, झाम्‍पा हीन।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

युदा 1:17

हीना चेवे पी़नक्‍याओ, खेक्‍यागो होरी चोवो येशु मास्‍यीकागी कुछापक्‍याई, एम्‍माने सुङगीन काक्‍याला ढेन्‍सो़ झ्‍यी।