१ योहान्‍ना 4:15 - ॱलोवा

¹⁵ येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 4:15 Iomraidhean Croise

मेथा 10:32

“होझ्‍येरी मी दोङदु ङाला खेलेन्‍गीनक्‍याला, ङा नाम्‍खे श्‍यीङखामदु श्‍युक्‍कीन ङी यापगी दोङदु खेलेन झ्‍यीयेहीन।

लुका 12:8

“ङा खेक्‍याला ॱनाहीन, मीक्‍याई दोङदु ङाला खेलेन्‍गीनक्‍याला मी-भुगीयाः, नाम्‍खे भाङछेनक्‍याई दोङदु खे लेन्‍गीलाक।

योहान्‍ना 6:56

ङी स्‍या शागीन धाङ ङी ठाक थुङगीनगो, ङी नाङ ॱनेलालाक धेनी ङा होदेगी नाङ ॱनेलाहीन।

जेपा 8:37

[धेनी फीलीपगी ॱनेवालाक, “ख्‍यी़ सेम नाङने धेपा झ्‍यीना ठी़सो़ लेन्‍ना ढीक्‍कीलाक।” होदे मी दी लेन ग्‍याप्‍पालाक, “येशु मास्‍यीका को़न्‍क्षोकगी से हीन ॱनेरी, ङा धेपा झ्‍यीदाहीन।”]

रोमापा 10:9

खेक्‍याई राङगी खागी “येशु नी चोवो लाक” ॱनेरी ॱनाना धेनी को़न्‍क्षोकगी खोङला छीवाने ॱलार सो़न्‍पो जेपालाक ॱनेरी, धेपा झ्‍यीना खेक्‍याला थारपा थोप्‍कीलाक।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 2:24

खीकी गोमाने घोर ङ्युङगीनगो, खीकी नाङला ॱनेलास्‍योक। देरे झ्‍युङना, खेक्‍याः से धाङ यापगी नाङ ॱनेगीलाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 3:24

को़न्‍क्षोकगी का ॱरुङगीनगो, खोङगी नाङ ॱनेलालाक धेनी खोङबाः खी़ नाङ श्‍युक्‍वालाक। धेनी खोङबा होरी नाङदु श्‍युक्‍कीनगो, खोङगी ॱनाङना धाम्‍पे थुक्‍ङीगी थोक्‍ने होरी स्‍येलालाक।

१ योहान्‍ना 4:12

को़न्‍क्षोकला सी़या ज्‍या माङ्युङ हो़तालाक हीना होरी च्‍यीकगी च्‍यीकला झाम्‍पा झ्‍यीना, को़न्‍क्षोक होरी नाङदु श्‍युक्‍वालाक धेनी खोङबागी झाम्‍पा होरी नाङदु छाङगो झ्‍युङालाक।

१ योहान्‍ना 4:2

येशु मास्‍यीका कुली़ला फेप्‍पालाक ॱनेरी, खेलेन झ्‍यीगीन सेम्‍ङी घीरी को़न्‍क्षोकने लाक। दी गोने को़न्‍क्षोकगी थुक्‍ङी खेक्‍याई ङो स्‍येलालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:5

जीक्‍तेन देला ग्‍यागा थोप्‍कीन नी सुले? येशुराङ को़न्‍क्षोकगी से लाक ॱनेरी, धेपा झ्‍यीगीनगो च्‍यीगा लाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।