१ योहान्‍ना 4:11 - ॱलोवा

¹¹ ङी चेवेक्‍याओ, को़न्‍क्षोकगी होराङला देरे झाम्‍पा जेदा झ्‍येरी, होराङक्‍यागीयाः च्‍यीकगी च्‍यीकला झाम्‍पा झ्‍यीघोगुलाक।

१ योहान्‍ना 4:11 Iomraidhean Croise

लुका 10:37

धेनी क्षो़ठीमगी ॱलोपो़नगी़ ॱनेवालाक, “होदे मीला ॱङीङजे तो़न्‍गीनगो।” धेनी येशुगी खोला सुवालाक, “ख्‍यो़ सोङ धेनी देरेराङ झ्‍यी।”

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

कोलोसेपा 3:13

धेनी च्‍यीकगी च्‍यीकला शो़पा घोम्‍दी, च्‍यीकगी श्‍येम्‍माला क्‍यो़न चुक हो़ना, च्‍यीकगी च्‍यीकला घोयाङ तेरती, चोवोगी खीकी धीक्‍पा सेल्‍गीन च्‍योक्‍रे, खेक्‍यागीयाः घोयाङ तेरघो़।

१ योहान्‍ना 2:7

चेवे रोवाक्‍याओ, ङा खेक्‍याला काठीम साबा च्‍यीक ढीयामेन हीना खीकीमुला एम्‍माने हो़गीन, काठीम ॱङीङबागो राङ ढीयाहीन। काठीम ॱङीङबा दे नी, खेक्‍याई घोर ङ्युङगीन का राङ लाक।

१ योहान्‍ना 3:11

“होराङ च्‍यीकगी च्‍यीकला झाम्‍पा झ्‍यीघो़।” ॱनागीन, खेक्‍याई एम्‍माने घोरकीन कालोपगो दे लाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 4:7

ङी चेवेक्‍याओ, होराङक्‍या च्‍यीकगी च्‍यीकला झाम्‍पा झ्‍यीदु घीझ्‍येरी ॱनाना झाम्‍पा नी, को़न्‍क्षोकने लाक। धेनी झाम्‍पा झ्‍यीगीन घीरी को़न्‍क्षोकने केवालाक धेनी को़न्‍क्षोकला ङो स्‍येलालाक।

२ योहान्‍ना 1:5

धा चेवे भोमो, ङा ख्‍यो़ला काठीम साबा च्‍यीक ढीयामेन हीना एम्‍माने होरीमुला हो़गीन, काठीमगो राङ ढीयाहीन। खेक्‍या च्‍यीकगी च्‍यीकला झाम्‍पा झ्‍यी ॱनेरी, ङा श्‍योवा पुलाहीन।