१ योहान्‍ना 3:9 - ॱलोवा

⁹ को़न्‍क्षोकने केक्‍या सी़या धीक्‍पा झ्‍यीच्‍यीक झ्‍येरी मेधेतालाक घीझ्‍येरी ॱनाना को़न्‍क्षोकगी साङा खुङक्‍या नाङ श्‍युक्‍वालाक धेनी खुङक्‍या को़न्‍क्षोकने केक्‍या झ्‍येरी, खुङक्‍या धीक्‍पा झ्‍यीच्‍यीक झ्‍यी ॱमीथुक्‍वालाक।

१ योहान्‍ना 3:9 Iomraidhean Croise

मेथा 7:18

स्‍यीङदोङ शाङपोने ढेबु ङेन्‍पा धाङ स्‍यीङदोङ ङेन्‍पाने ढेबु शाङपो के ॱमीथुक्‍वालाक।

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

गालातीयापा 5:17

घीझ्‍येरी ॱनाना ली़गी दो़पाक्‍या धाम्‍पे थुक्‍ङीगी दो़पाला ॱमीथी़न्‍दालाक धेनी धाम्‍पे थुक्‍ङीगी दो़पा ली़गी दो़पाला ॱमीथी़न्‍दालाक। धेनी दे ॱङीउ डा झ्‍युरी, खेक्‍याई थेगीन लेगा झ्‍यीरु ॱमीच्‍युक्‍कीलाक।

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 3:6

खोङबागी नाङ ॱनेती धेगीन सी़या, धीक्‍पा झ्‍यीच्‍यीक झ्‍येरी मेधेतालाक। धीक्‍पा झ्‍यीच्‍यीक झ्‍येरी धेगीनगी, खोङबाला ज्‍या ङ्युङ मेतालाक धेनी ङोस्‍ये ङ्युङ मेतालाक।

१ योहान्‍ना 4:7

ङी चेवेक्‍याओ, होराङक्‍या च्‍यीकगी च्‍यीकला झाम्‍पा झ्‍यीदु घीझ्‍येरी ॱनाना झाम्‍पा नी, को़न्‍क्षोकने लाक। धेनी झाम्‍पा झ्‍यीगीन घीरी को़न्‍क्षोकने केवालाक धेनी को़न्‍क्षोकला ङो स्‍येलालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।