Biblia Todo Logo
Bìoball air-loidhne

- Sanasan -




१ योहान्‍ना 3:8 - ॱलोवा

8 धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

Faic an caibideil Dèan lethbhreac




१ योहान्‍ना 3:8
26 Iomraidhean Croise  

हीना ङी डेक्‍या तो़न्‍गीनगो को़न्‍क्षोकगी थुक्‍ङीने हीन्‍ना धेनी नाम्‍खे ग्‍यासी खीकी खोक्‍दु ॱलेप हो़तालाक।


श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।


धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”


“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”


येशुगी होदेक्‍याला सुवालाक, “ङी नाम्‍खे श्‍यीङखामने ॱलोकख्‍युकगी हो़क ग्‍याप्‍कीन च्‍योक्‍रे, सातान ल्‍हीम्‍दी हुङगीनगो थोजुङ।


धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।


धेनी ठीम्‍चो़गी कोरला ॱनाना, जीक्‍तेनगी वाङग्‍युर झ्‍यीगीनगोला ठीम फोक्‍सालाक।


खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।


श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।


होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।


धेनी को़न्‍क्षोकगी पो़न्‍पोक्‍या धाङ वाङग्‍युर झ्‍यीगीनक्‍याई लाक्‍चाक्‍या ठोक्‍वा जेदी, खुङक्‍याला मीमाङगी खोकला ॱङो़न्‍दी ङोछारु च्‍युक्‍पालाक। धेनी ग्‍याङस्‍यीङगी थोक्‍ने, खुङक्‍या घीरी खाला खोङबागी ग्‍याखा थोप जेपालाक।


क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।


छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।


देरे मेन्‍ना जीक्‍तेन को़ने ॱहाला, खोङबागी याङ-याङ दुक्‍पो ङ्याङ घोये हो़तालाक। हीना खोङबा राङगी ॱमारछो़गी थोक्‍ने, धीक्‍पा घीरी सेयेगी क्षीला, थेङ च्‍यीक्‍लाराङ घीरीगी क्षीदु दे धी़गी थाला ॱङो़न जेपालाक।


घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।


धेनी दे छेसोकगो ॱङो़न्‍पालाक। हीकी होदे ज्‍यावी धेनी होदेगी पाङपो झ्‍यीदाहीन। धेनी यापगी मुला हो़गीन धाङ स्‍याम्‍ला हीकी चारु ॱङो़न्‍गीन, थामेपे छेसोकगी कोरला हे खेक्‍याला सेटाक झ्‍यीदाहीन।


ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।


हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।


होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।


धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।


धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।


धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।


Lean sinn:

Sanasan


Sanasan