१ योहान्‍ना 3:22 - ॱलोवा

²² धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।

१ योहान्‍ना 3:22 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मारकु 11:24

होझ्‍येरी ङा खेक्‍याला ॱनाहीन, ॱमो़लामला खेक्‍याई घी ॱलाङगीनगो थोप्‍साहो़क ॱनेरी, धेपा झ्‍यी धेनी होदे ख्‍यो़ला थोप्‍कीलाक।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 6:29

येशुगी खुङक्‍याला सुङा जेपालाक, “को़न्‍क्षोकगी ॱङाक्‍कीनगोला धेपा झ्‍यीयेगो राङ, को़न्‍क्षोकगी क्षाक्‍ले लाक।”

योहान्‍ना 8:29

धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

योहान्‍ना 9:31

को़न्‍क्षोकगी धीक्‍चेनक्‍याई ॱमो़लाम ॱमेसेन्‍दालाक हीना खोङबाला ॱङीङकुर झ्‍यीगीन धाङ खोङबागी थुकोङ डुप्‍तु च्‍युक्‍कीनक्‍याला, खोङबागी सेन्‍दालाक ॱनेरी होराङक्‍याई स्‍येलालाक।

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 4:3

खेक्‍याई घी श्‍यी़गीनगो ॱमेथोबालाक घीझ्‍येरी ॱनाना खेक्‍या राङगी दो़क्षाक खाङयेला, सेम्‍बा ङेन्‍पे गोने श्‍योवा पुलालाक।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 5:14

को़न्‍क्षोकगी थुकोङला तेन्‍ती, होरी घी श्‍यी़ना खोङगी होराङला सेन्‍दालाक ॱनेरी, होराङला खोङगी खाला ॱलोते हो़तालाक।