१ योहान्‍ना 3:21 - ॱलोवा

²¹ चेवे रोवाक्‍याओ, होरी सेमगी होराङला क्‍यो़न ॱमीचुक्‍ना, होराङला को़न्‍क्षोकगी डुङदु ॱलोगोक केलालाक।

१ योहान्‍ना 3:21 Iomraidhean Croise

रोमापा 14:22

ख्‍यी़ नाङ हो़गीन धेपागो को़न्‍क्षोक धाङ ख्‍यो़री घुङदु श्‍योक। धेनी राङगी खेलेन झ्‍येजा दो़नगी, राङला क्‍यो़न चुक्‍तु ॱमीच्‍युक्‍कीन मीगो झ्‍यीलाप क्षे लाक।

१ कोरीन्‍थुपा 4:4

ङी ङारी झ्‍येजा नोन्‍डुक्‍याई कोरला घीया ढेन्‍सो़ झ्‍यी ॱमीथुक्‍वा, हीना दी ङाला क्‍यो़न मेगीन मेशोवालाक। धेनी ङी ठीम चेगीन नी, चोवो हीन।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

१ तीमोथेउ 2:8

साज्‍या घीरीदु केवे-फोक्‍याई श्‍येताङ धाङ चो़पा ॱमालाङा, लाक्‍पा चाङमा याला क्‍याङदी ॱमो़लाम धेप्‍येला, ङा दो़दीहो़क।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

१ योहान्‍ना 2:7

चेवे रोवाक्‍याओ, ङा खेक्‍याला काठीम साबा च्‍यीक ढीयामेन हीना खीकीमुला एम्‍माने हो़गीन, काठीम ॱङीङबागो राङ ढीयाहीन। काठीम ॱङीङबा दे नी, खेक्‍याई घोर ङ्युङगीन का राङ लाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

१ योहान्‍ना 3:20

घीझ्‍येरी ॱनाना होरी सेमगी होराङला क्‍यो़न चुक्‍ना, को़न्‍क्षोक होरी सेमने क्षे हीन्‍गीन धाङ खोङबागी घीरी खेन्‍दा जेगीनगो, होराङ स्‍येलालाक।

१ योहान्‍ना 4:17

दी थोक्‍ने झाम्‍पा नी, होराङक्‍याई खोक्‍दु छाङगो झ्‍युङालाक। धेनी होझ्‍येरी ठीम्‍चो़गी ङीमाला, होराङला ॱलोगोक केगीलाक। घीझ्‍येरी ॱनाना दे जीक्‍तेनदु, येशु घारे हीन्‍गीनगो च्‍योक्‍रे होराङ लाक।

१ योहान्‍ना 5:14

को़न्‍क्षोकगी थुकोङला तेन्‍ती, होरी घी श्‍यी़ना खोङगी होराङला सेन्‍दालाक ॱनेरी, होराङला खोङगी खाला ॱलोते हो़तालाक।