१ योहान्‍ना 3:18 - ॱलोवा

¹⁸ चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।

१ योहान्‍ना 3:18 Iomraidhean Croise

लुका 7:5

घीझ्‍येरी ॱनाना खो हीकी मीरीकला चेवा झ्‍यीदालाक धेनी खी़ हीकी छोक्‍खाङगोवाः चीक्‍पालाक।”

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

एफीसुपा 4:15

हीना झाम्‍पागी गोने लाब धेन्‍पा स्‍येदी, होरी उ हीन्‍गीन मास्‍यीकागी नाङला छोक घीरीने, होराङ छारती डोघो़।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।

२ योहान्‍ना 1:1

ङा गेम्‍पाने, को़न्‍क्षोकगी दामा जेजा भोमो धाङ मी़ टुवाक्‍याला, यीक दे ढीयाहीन। खेक्‍याला ङी ॱङोन्‍नेगी चेवा झ्‍यीदीहो़क धेनी ङा च्‍यीगा मेन्‍दा, हीना धेन्‍पा ङोस्‍येगीन घीरीगीया खेक्‍याला चेवा झ्‍यीदालाक।

३ योहान्‍ना 1:1

ङी ॱङोन्‍नेगी चेवा झ्‍येजा, ङी चेवे रोवा गायुला, ङा गेम्‍पाने यीक दे ढीयाहीन।