१ योहान्‍ना 3:17 - ॱलोवा

¹⁷ जीक्‍तेन दी ग्‍युनोर हो़गीन मी च्‍यीकगी, राङगी पी़न च्‍यीकला घो़गीनगो थोङाराङ खोला ॱङीङजे ॱमेकेना, को़न्‍क्षोकगी झाम्‍पा खी़ नाङ घाङगी झ्‍येरी ॱने थुक्‍कीले?

१ योहान्‍ना 3:17 Iomraidhean Croise

लुका 3:11

धेनी योहान्‍नागी खुङक्‍याला ॱनेवालाक, “खेक्‍याला घो़ ॱङी हो़ना च्‍यीक मेगीनला तेरघो़ धेनी शामा हो़गीनगीयाः होदेरेराङ झ्‍यीघो़।”

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

याकोब 2:15

खीकी पी़नक्‍याने च्‍यीकला घो़न्‍येला घोलाक धाङ ङीन्‍रेगी शामा शायेला ॱमेछाङ हो़ना,

याकोब 2:16

खेक्‍याने च्‍यीकगी खोला, “दुङा मीझ्‍यीदा सोङ, घोलाक डोजे घो़न धेनी शामा घाजे शो” च्‍यीगा ॱनेरी, हीना खी़ ली़ला घो़गीनगो ॱमेतेरना, देला फेन्‍थोक घी हो़तालाक से?

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।