१ योहान्‍ना 3:15 - ॱलोवा

¹⁵ राङगी पी़नक्‍याला दाङा झ्‍यीगीन घीरी, ॱरोक चेगीन लाक धेनी ॱरोक चेगीनक्‍याई नाङ थामेपे छेसोक ॱमेनेलालाक ॱनेरी, खेक्‍या स्‍येलालाक।

१ योहान्‍ना 3:15 Iomraidhean Croise

मेथा 5:28

हीना ङा खेक्‍याला ॱनाहीन, दो़छाकगी सेमने भोमो च्‍यीकला ताना, खी़ खोरी सेम नाङदुराङ भोमो देमुला लोक्‍येम झ्‍येसारालाक।

मारकु 6:19

होझ्‍येरी हेरोदीयासगी राङ सेम नाङदु योहान्‍नागी क्षीला, ॱमीच्‍यीकी ॱङीङनाक शीम्‍दी धेपालाक धेनी खो सेङी दो़पालाक हीना मी़ से ॱमाथुक्‍पालाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

जेपा 23:12

ॱङेटो ॱङारोक ॱङात्‍ती याहुदापाक्‍या जोम्‍दी, पाउलुला सेयेगी ढो़ झ्‍येवालाक धेनी पाउलुला ॱमासेगीन थुक्‍पे, खुङक्‍या घीन्‍दा मेशाये धाङ ॱमीथुङये ॱना क्‍यावालाक।

जेपा 23:14

धेनी खुङक्‍या श्‍येम्‍मा क्षो़पो़न क्षेक्‍या धाङ गोठीक्‍या चारु सोरी ॱनेवालाक, “हेक्‍याई पाउलुला ॱमासेगीन थुक्‍पे, घीन्‍दा मेशा ॱनेरी ॱना क्‍याहो़क।

याकोब 1:15

धेनी दो़क्षाकगी ढेबु ली़ला क्षाक्‍ती धीक्‍पा केलालाक धेनी धीक्‍पागो छाङगो छारती, होदेगी छीवा खेरती हुङालाक।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

१ योहान्‍ना 2:11

हीना राङगी पी़नक्‍याला दाङा झ्‍यीगीनगो मी़नाक नाङला ॱनेलालाक धेनी मी़नाक नाङ खोरती धेतालाक। धेनी राङ घारु डुगीनगो ॱमेस्‍येलालाक घीझ्‍येरी ॱनाना मी़नाकगी खोला श्‍यारा शो़ हो़तालाक।

१ योहान्‍ना 2:9

हो़ नाङदु हो़क ॱनेरी ॱनागीन हीना राङगी पी़नक्‍याला दाङा झ्‍यीगीनगो, धोराङा मी़नाक नाङलाराङ हो़तालाक।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”