१ योहान्‍ना 3:14 - ॱलोवा

¹⁴ होराङक्‍या छीवाने सो़न्‍पो ग्‍युरवालाक ॱनेरी, होराङ स्‍येलालाक घीझ्‍येरी ॱनाना होराङ होरी पी़नक्‍याला झाम्‍पा झ्‍यीदालाक। झाम्‍पा मीझ्‍यीगीन नी, छीवा नाङदु ॱनेलालाक।

१ योहान्‍ना 3:14 Iomraidhean Croise

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 7:5

घीझ्‍येरी ॱनाना खो हीकी मीरीकला चेवा झ्‍यीदालाक धेनी खी़ हीकी छोक्‍खाङगोवाः चीक्‍पालाक।”

योहान्‍ना 13:35

खेक्‍याई च्‍यीकगी च्‍यीकला झाम्‍पा झ्‍यीना, देनेराङ खेक्‍या ङी ङेने हीन्‍गीनगो मी घीरीगी ॱहाघोरकीलाक।”

योहान्‍ना 15:12

“ङी खेक्‍याला झाम्‍पा झ्‍यीगीन च्‍योक्‍रे, खेक्‍या च्‍यीकगी च्‍यीकला झाम्‍पा झ्‍यी। दे नी ङी काठीम हीन।

योहान्‍ना 15:17

च्‍यीकगी च्‍यीकला झाम्‍पा झ्‍यी, देराङ खेक्‍याला ङी कागो हीन।”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 1:15

होझ्‍येरी चोवो येशुला खेक्‍याई धेपा हो़गीन धाङ को़न्‍क्षोकगी धाम्‍पे मीक्‍याला, खेक्‍याई चेवागी कोरला ङी घोरती,

एफीसुपा 2:1

एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

१ थेसालोनीकेपा 4:9

धा पी़न्‍दा च्‍यीकगी च्‍यीकला झाम्‍पा झ्‍यीयेगी कोरला, सी़याः खेक्‍याला ढीक घोगुमालाक घीझ्‍येरी ॱनाना च्‍यीकगी च्‍यीकला झाम्‍पा झ्‍यीयेला को़न्‍क्षोकगी ॱलाप ॱनावालाक।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 4:12

को़न्‍क्षोकला सी़या ज्‍या माङ्युङ हो़तालाक हीना होरी च्‍यीकगी च्‍यीकला झाम्‍पा झ्‍यीना, को़न्‍क्षोक होरी नाङदु श्‍युक्‍वालाक धेनी खोङबागी झाम्‍पा होरी नाङदु छाङगो झ्‍युङालाक।

१ योहान्‍ना 5:13

को़न्‍क्षोकगी सेगी छेनला धेपा झ्‍यीगीन, खेक्‍याला थामेपे छेसोक हो़तालाक ॱनेरी, खेक्‍याई स्‍येयेगी क्षीला ङा खेक्‍याला दे लाबक्‍या ढीयाहीन।

१ योहान्‍ना 5:2

होराङ को़न्‍क्षोकला चेवा झ्‍ये धेनी खोङगी काक्‍या ॱरुङना, देनेराङ होराङ को़न्‍क्षोकगी से धाङ सेमोक्‍याला चेवा झ्‍यीगीनगो होरी स्‍येलालाक।