१ योहान्‍ना 3:10 - ॱलोवा

¹⁰ ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:10 Iomraidhean Croise

मेथा 13:38

श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

योहान्‍ना 8:47

को़न्‍क्षोकगी हीन्‍गीनगी़ को़न्‍क्षोकगी काला ङेन्‍दालाक। खेक्‍याई मेङेन्‍गीनगी दो़न्‍दाकगो, खेक्‍या को़न्‍क्षोकगी मालाक।”

जेपा 13:10

“ख्‍यो़ लाब शाङा घीरीगी डा लाक धेनी च्‍यो़पा आ धाङ शोकगी खाङखा धी़कगी टुवा लाक। ख्‍यो़ चोवोगी लाम शाङागो ॱनोयेला, नामा भोरये मेने?

रोमापा 13:8

च्‍यीकगी च्‍यीकला झाम्‍पा झ्‍यीये माना, श्‍येम्‍मा दो़न घीन्‍गीयाः भुलीङ होकला छी़दी माधे। घीझ्‍येरी ॱनाना राङगी खीम्‍चेला, झाम्‍पा झ्‍यीगीनगी़ क्षो़ठीमगो डुपालाक।

एफीसुपा 5:1

होझ्‍येरी, खेक्‍या चेवे से धाङ सेमोक्‍या झ्‍येरी, को़न्‍क्षोकगी च्‍योक्‍रे झ्‍यीये थापस्‍यी झ्‍यी।

कोलोसेपा 3:14

धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

१ योहान्‍ना 4:21

को़न्‍क्षोकला चेवा झ्‍यीगीनगी, राङगी पी़नला झाम्‍पा झ्‍यीघो़। दे नी, खोङबागी होराङला ॱनाङना का लाक।

१ योहान्‍ना 4:6

होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

१ योहान्‍ना 4:8

झाम्‍पा मीझ्‍यीगीनक्‍याई को़न्‍क्षोकला ङो ॱमेस्‍येलालाक घीझ्‍येरी ॱनाना को़न्‍क्षोक नी, झाम्‍पा हीन।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

१ योहान्‍ना 5:2

होराङ को़न्‍क्षोकला चेवा झ्‍ये धेनी खोङगी काक्‍या ॱरुङना, देनेराङ होराङ को़न्‍क्षोकगी से धाङ सेमोक्‍याला चेवा झ्‍यीगीनगो होरी स्‍येलालाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।