१ योहान्‍ना 3:1 - ॱलोवा

¹ तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 3:1 Iomraidhean Croise

लुका 20:36

खुङक्‍या नाम्‍खे भाङछेनक्‍या च्‍योक्‍रे झ्‍येरी, खुङक्‍या याङ स्‍यीगीमालाक। धेनी खुङक्‍या छीवाने सो़न्‍पो लाङ सारसा झ्‍येरी, खुङक्‍या को़न्‍क्षोकगी से धाङ सेमो लाक।

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

रोमापा 8:21

को़पा राङगो रुरी डोये हीन्‍गीन वाङने थारती, को़न्‍क्षोकगी से धाङ सेमोगी शीजेगी राङवाङ थोप्‍येगो लाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

२ कोरीन्‍थुपा 6:18

धेनी “ङा नी खेक्‍याई याप झ्‍युङयेहीन, धेनी खेक्‍या ङी भु धाङ भोमो झ्‍युङगीलाक, सुरी कुवाङ को़न्‍क्षोकगी सुङी।”

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

कोलोसेपा 3:3

घीझ्‍येरी ॱनाना खेक्‍या स्‍यीवालाक धेनी खीकी छे नी, मास्‍यीकामुला को़न्‍क्षोकगी नाङ बे हो़तालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

१ योहान्‍ना 4:17

दी थोक्‍ने झाम्‍पा नी, होराङक्‍याई खोक्‍दु छाङगो झ्‍युङालाक। धेनी होझ्‍येरी ठीम्‍चो़गी ङीमाला, होराङला ॱलोगोक केगीलाक। घीझ्‍येरी ॱनाना दे जीक्‍तेनदु, येशु घारे हीन्‍गीनगो च्‍योक्‍रे होराङ लाक।

ॱङो़न्‍पा 21:7

ग्‍यागीनगोला, दे दो़न घीरीगी ग्‍युज्‍यीन थोप्‍कीलाक धेनी ङा खी़ को़न्‍क्षोक झ्‍युङयेहीन धेनी खो ङी भीजा झ्‍युङगीलाक।