१ योहान्‍ना 2:3 - ॱलोवा

³ धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 2:3 Iomraidhean Croise

लुका 6:46

“ङी ॱनागीनगो मीझ्‍यीना, खेक्‍या घीझ्‍येरी ङाला ‘चोवो, चोवो’ ॱनेरी भो़लाले?

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

योहान्‍ना 15:14

ङी खेक्‍याला तेरकीन कागो खेक्‍याई ॱरुङना, खेक्‍या ङी छो़ढोक हीन।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

१ योहान्‍ना 2:13

आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना धी़गी खाला खीकी ग्‍या हो़तालाक।

१ योहान्‍ना 3:14

होराङक्‍या छीवाने सो़न्‍पो ग्‍युरवालाक ॱनेरी, होराङ स्‍येलालाक घीझ्‍येरी ॱनाना होराङ होरी पी़नक्‍याला झाम्‍पा झ्‍यीदालाक। झाम्‍पा मीझ्‍यीगीन नी, छीवा नाङदु ॱनेलालाक।

१ योहान्‍ना 3:19

देनेराङ होराङ धेन्‍पागी हीन्‍गीन धाङ खोङगी दोङदु, होरी सेम ॱलोदेवा शोगीनगो, होरी स्‍येलालाक।

१ योहान्‍ना 3:6

खोङबागी नाङ ॱनेती धेगीन सी़या, धीक्‍पा झ्‍यीच्‍यीक झ्‍येरी मेधेतालाक। धीक्‍पा झ्‍यीच्‍यीक झ्‍येरी धेगीनगी, खोङबाला ज्‍या ङ्युङ मेतालाक धेनी ङोस्‍ये ङ्युङ मेतालाक।

१ योहान्‍ना 4:13

को़न्‍क्षोकगी राङगी थुक्‍ङी होराङला ॱनाङगीनगी गोने, होराङ खोङगी नाङ ॱनेये धाङ खोङ होराङ नाङ श्‍युक्‍कीनगो, होरी स्‍येलालाक।

१ योहान्‍ना 4:7

ङी चेवेक्‍याओ, होराङक्‍या च्‍यीकगी च्‍यीकला झाम्‍पा झ्‍यीदु घीझ्‍येरी ॱनाना झाम्‍पा नी, को़न्‍क्षोकने लाक। धेनी झाम्‍पा झ्‍यीगीन घीरी को़न्‍क्षोकने केवालाक धेनी को़न्‍क्षोकला ङो स्‍येलालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

१ योहान्‍ना 5:2

होराङ को़न्‍क्षोकला चेवा झ्‍ये धेनी खोङगी काक्‍या ॱरुङना, देनेराङ होराङ को़न्‍क्षोकगी से धाङ सेमोक्‍याला चेवा झ्‍यीगीनगो होरी स्‍येलालाक।

१ योहान्‍ना 5:3

को़न्‍क्षोकगी काठीम ॱरुङना राङ, खोङला चेवा झ्‍यीये लाक। धेनी खोङगी काठीमक्‍या काल्‍ले घाक्‍वा मेतालाक।

ॱङो़न्‍पा 12:17

धेनी होदे डुकगो होदे भोमोमुला खोङडो लावालाक धेनी मी़ टुवा श्‍येम्‍माक्‍यामुला टाप्‍तु सोवालाक। याङना को़न्‍क्षोकगी का ॱरुङगीनक्‍या धाङ येशुगी पाङपो झ्‍यीगीनक्‍यामुला टाप्‍तु सोवालाक।

ॱङो़न्‍पा 14:12

दे नी को़न्‍क्षोकगी का ॱरुङगीन धाङ येशुला धेपा झ्‍यीगीन धाम्‍पे मीक्‍याई क्षीदु, शो़पागी भो़टाक लाक।

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।