१ योहान्‍ना 2:29 - ॱलोवा

²⁹ खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 2:29 Iomraidhean Croise

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 7:18

राङला तेन्‍दी स्‍येगीन दे, राङगी ॱङेन्‍डाक चालालाक हीना राङला ॱङाक्‍कीनगी ॱङेन्‍डाक चागीन, दे धेन्‍पा लाक धेनी खी़ नाङदु शोक मीयोङालाक।

जेपा 10:35

मीरीक घारे हीन्‍नाः को़न्‍क्षोकला जीक्‍नाङ झ्‍येरी, चीगीन धाङ लेगा शाङा झ्‍यीगीनला को़न्‍क्षोकगी खेलेन जेगीलाक।

जेपा 22:14

धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

जेपा 3:14

खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

ईब्‍रीपा 7:2

धेनी खोङलाराङ आब्‍राहामगी राङला हो़गीन, घीरीगी ग्‍याजा च्‍यु पुवालाक। मेल्‍कीजेदेकगी छेनगी दो़न नी, धाङपो “ढाङतेनगी ग्‍यावु” लाक धेनी सालेमगी ग्‍यावु ॱनेरीयाः ॱनालाक। दी दो़न नी, “श्‍यीदेगी ग्‍यावु” लाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।

१ योहान्‍ना 4:7

ङी चेवेक्‍याओ, होराङक्‍या च्‍यीकगी च्‍यीकला झाम्‍पा झ्‍यीदु घीझ्‍येरी ॱनाना झाम्‍पा नी, को़न्‍क्षोकने लाक। धेनी झाम्‍पा झ्‍यीगीन घीरी को़न्‍क्षोकने केवालाक धेनी को़न्‍क्षोकला ङो स्‍येलालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।