१ योहान्‍ना 2:24 - ॱलोवा

²⁴ खीकी गोमाने घोर ङ्युङगीनगो, खीकी नाङला ॱनेलास्‍योक। देरे झ्‍युङना, खेक्‍याः से धाङ यापगी नाङ ॱनेगीलाक।

१ योहान्‍ना 2:24 Iomraidhean Croise

लुका 1:2

दे लेगा घीरी गोमाने थोथा, मीक्‍या धाङ कागी श्‍याप्‍तोक्‍पा हीन्‍गीन, मीक्‍याने हीकी ॱहाघोगीन च्‍योक्‍रे होदेक्‍याई ढीक्‍दुक।

लुका 9:44

“ताम दे घीरी खेरी सेमला शीम। मी-भु मीक्‍याई लागाला ची ग्‍याप्‍ये झ्‍यीदी।”

योहान्‍ना 14:23

येशुगी खोला कालेन सुवालाक, “ङाला झाम्‍पा झ्‍यीगीनगी ङी का ॱरुङगीलाक धेनी ङी यापगी खोला झाम्‍पा जेगीलाक। धेनी ङा धाङ ङी याप खोचारु फेप्‍ती खी़मुला ॱनेयेहीन।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 6:56

ङी स्‍या शागीन धाङ ङी ठाक थुङगीनगो, ङी नाङ ॱनेलालाक धेनी ङा होदेगी नाङ ॱनेलाहीन।

योहान्‍ना 8:25

होझ्‍येरी खुङक्‍याई खोङबाला, “खेराङ सु हीनो?” ॱनेरी श्‍यी़वालाक। येशुगी खुङक्‍याला सुवालाक, “ङी खेक्‍याला गोमाने ॱनागीनगोराङ हीन।

फीलीप्‍पीपा 4:15

धेनी खे फीलीप्‍पीपाक्‍याराङ स्‍येलालाक, ङा ताम्‍शाङ स्‍येयेगी गोमा ङीमाक्‍याला माकेडोनीयाने डोवाराङ, तेरये धाङ लेन्‍येगी लेगाला खेक्‍या माना, श्‍येम्‍मा क्षो़छोक सी़याः ङाला रोवा माझ्‍ये।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 2:7

चेवे रोवाक्‍याओ, ङा खेक्‍याला काठीम साबा च्‍यीक ढीयामेन हीना खीकीमुला एम्‍माने हो़गीन, काठीम ॱङीङबागो राङ ढीयाहीन। काठीम ॱङीङबा दे नी, खेक्‍याई घोर ङ्युङगीन का राङ लाक।

१ योहान्‍ना 3:24

को़न्‍क्षोकगी का ॱरुङगीनगो, खोङगी नाङ ॱनेलालाक धेनी खोङबाः खी़ नाङ श्‍युक्‍वालाक। धेनी खोङबा होरी नाङदु श्‍युक्‍कीनगो, खोङगी ॱनाङना धाम्‍पे थुक्‍ङीगी थोक्‍ने होरी स्‍येलालाक।

१ योहान्‍ना 4:13

को़न्‍क्षोकगी राङगी थुक्‍ङी होराङला ॱनाङगीनगी गोने, होराङ खोङगी नाङ ॱनेये धाङ खोङ होराङ नाङ श्‍युक्‍कीनगो, होरी स्‍येलालाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 4:16

होझ्‍येरी को़न्‍क्षोकगी झाम्‍पा होराङला हो़गीनगो, होराङ स्‍येलालाक धेनी यीच्‍चे झ्‍यीदालाक। को़न्‍क्षोक नी, झाम्‍पा जेगीन को़न्‍क्षोक लाक। धेनी झाम्‍पा नाङला ॱनेगीनगो, को़न्‍क्षोकगी नाङ ॱनेलालाक धेनी को़न्‍क्षोक खी़ नाङ श्‍युक्‍वालाक।

२ योहान्‍ना 1:2

घीझ्‍येरी ॱनाना धेन्‍पा नी, होरी नाङ हो़तालाक धेनी होरी नाङ ग्‍युने ग्‍युन्‍दु ॱनेगीलाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।

३ योहान्‍ना 1:3

पी़न रीङगा होरी, ख्‍यो़ धेन्‍पाला तेन्‍ती मीजी क्‍याली ॱनेरी, ख्‍यी़ धेन्‍पाला खुङक्‍याई पाङपो झ्‍यीदाराङ, ङा ॱमीच्‍यीकी ङ्यामो घेजुङ।

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।